Keep watching the state and level in meditation!

 தவ ஆற்றல் நிலை அளவு அறீவீர்

அகத்தவத்தில் நாளது முதல் ஒன்றும்

உணர்ந்திட முடியாது எனினும் வரும்

காலம் தினம் தொடர்ந்திட அழுத்தம்

கூடிவரும் தவ ஆற்றலும் வந்துகூடிடும்

சிலருக்கு வாரம் போதும் சிலருக்கோ

மாதம் தொடரவும் வேண்டும் நல்லதே!

தவ ஆற்றல் கூடிட்டால் குறைத்திடவே

வழியுண்டு மீண்டும் குருவை நாடுவீர்!

விளக்கம்:

சித்தர்கள் முறையில் வந்து வளர்ந்த, குண்டலினி தவயோகம், தற்பொழுது எளிமையாக்கப் பட்டுள்ளது. குருவிடம் தீட்சை பெற்று, தொட்டுக்காட்டிய புருவமத்தி, ஆக்கினை சக்கரத்தில் கவனிக்க, சிலருக்கு உடனடியாக அங்கே ஓர் அழுத்தம் தெரியும். கண்மூடிய நிலையில் அதை அறியமுடியும். இவர்கள் ஒருவாரம் தவம் செய்தாலே தவ ஆற்றல் கூடிவருவதை தெரிந்துகொள்ளலாம். ஒருசிலருக்கு அங்கே ஒன்றுமே புலப்படாது. இவர்கள் தொடர்ந்து ஒருமாத காலம் தவம் செய்தாகவேண்டும்.

எவ்வளவு நாள் தவம் செய்தாலும் கூட முக்கியமாக, தவ ஆற்றல் நிலை எப்படி இருக்கிறது, கூடுதலாகிவிட்டதா என்பதை ஆராயவேண்டும். தவ ஆற்றல் நிலை அழுத்தமாகவும், அளவு கூடினால் லேசான தலைபாரம், தலைவலி வருவதைக் கொண்டு அறிந்து கொள்ளலாம். அப்படியாக தலைபாரம், தலைவலி வந்தால் உடனே, மீண்டும் குருவை நாடி அந்த உண்மையை தெரிவிக்க வேண்டும். இதற்கு குருவானவர் மற்றொரு தவமான, சாந்தி தவம் கற்றுக்கொடுப்பார்.

ஆரம்ப சாதகர்கள் கட்டாயமாக, ஆக்கினை மற்றும் சாந்தி கற்றாக வேண்டியது அவசியம். ஆக்கினை மட்டும் போதுமே என்று சாந்தி தவத்தை தவிர்த்துவிடக் கூடாது. இதனால் உடல் தாங்கமுடியாத பிரச்சனைகள் உருவாகும். இதனாலேயே, தற்பொழுது, இரண்டு தவங்களும் முன்ஜாக்கிரதையாகவே ஒருவருக்கு உடனடியாக கற்றுக்கொடுக்கப்படுகிறது. என்ற விளக்கங்களை இந்தக்கவிதை தெரிவிக்கிறது.

வாழ்க வளமுடன்.

-----

Present by: