Simplified Yoga from Vethathiri Maharishi

 ஏதுமில்லா எளிய தவம்

மந்திர உச்சாடனம் ஏதும் இல்லை

விளக்கு அர்ச்சனை தேவை இல்லை

கையில் ருத்ராக்‌ஷ மணி இல்லை

விரல் அழுத்தம் தொடுதல் இல்லை

மூச்சை கவனிக்க தேவை இல்லை

மூச்சை அடக்கி மாற்றிடவும் இல்லை

நிமிர்ந்து அமர்ந்து கண்மூடி குருவழி

உனக்குள் கவனிக்க அதுவே தவம்!

விளக்கம்:

தவம் என்றால் அதைச் செய்ய நிறைய வழிமுறைகள் இருக்கின்றன. உலகில் பலப்பல மனிதர்கள் பலப்பல தவ முறைகளை, தங்களுக்கு ஏற்றதாக கற்று செய்து வருகின்றனர். எனினும் குரு மகான் வேதாத்திரி மகரிசி அவர்களின் தவ முறை, எளிமையானது. பல ஆண்டுக்கால ஆராய்ச்சியில், அத்தவத்தில் இருந்த கடின முறைகளை களைந்து, எளிமை செய்து நமக்கு கற்றுத்தருகிறார். 

வேதாத்திரிய தவத்தில் மந்திர உச்சாடனம் (உபாசனை) தேவையில்லை, விளக்குகள், நறுமணம், சாம்பிராணி, சிலைகள், மாலைகள், பூக்கள், இதெல்லாம் அமைத்து, தீப ஆராதனை, பூஜைகள் தேவை இல்லை. ருத்ராக்‌ஷ மணி தேவையில்லை, அதை கழுத்தில் கட்டிக்கொள்ளவும், பூஜையில் வைக்கவும் தேவை இல்லை. உடலில், ஆதார இடங்களில் தொடவும், அழுத்தவும் தேவையில்லை. எந்தப்பக்கம் மூச்சு எழுகிறது என்பது குறித்த கவலை இல்லை. அம்மூச்சை இடவலம் கவனிக்கவும் தேவையில்லை. அம்மூச்சை அடக்கிடவும் தேவையில்லை.

முதுகை நிமிர்த்தி நேராக, தனக்கு ஏற்ற ஆசனத்தில், பத்மாசனம், சுகாசனம் ஏதேனும் ஒன்றில், ஒரு துண்டு, கோரைப்பாய் விரித்து அமர்ந்து, குரு சொல்லித்தந்த வழியில், நமக்குள் கவனித்தாலே போதுமானது, அதுவே தவம் என்று, தவத்திற்க்கு ஏற்ற எளிய முறை என்ன என்பது குறித்து, இந்தக்கவிதை விளக்கம் அளிக்கிறது.

வாழ்க வளமுடன்.

-----

Present by: