What is the use of Shanti Meditation?

 சாந்தி தவத்தின் பயன் என்ன?

முன்பு இருந்த இடமகற்றி ஆக்ஞையில்

குண்டலினி ஏற்றி தினம் தவமிருக்க

புலனுணர்வு விழிக்க மனம் தன்னை

உணர்ந்திடும் தவ ஆற்றலுமே கூடிடும்

கூடிட்ட தவஆற்றல் தலைபாரம் தரம்

அறிகுறி அதுவே சாந்திதவம் பயில!

குண்டலினி மீண்டும் மூலாதாரம் அனுப்ப

ஆற்றலது உடலுக்கு இனிமை சேர்க்கும்!

விளக்கம்: 

தவத்தில் முதன்மையானதும், முக்கியமானதும் ஆக்கினை தவம் ஆகும். குண்டலினி உயர்த்திட்ட முதல் தவம் இதுவே. இந்தக்காலத்திலும் கூட “வேதாத்திரியத்தை” தவிர, வேறு சில குருமார்கள் இந்த தீட்சையை உடனடியாக யாருக்கும் தர மாட்டர்கள். மூலாதார சக்கரத்திலிருந்து, ஆக்கினை சக்கரத்திற்கு வந்தாகிவிட்டது. தினமும் அங்கே கவனித்து தவம் செய்து வரவர, அங்கே ஓர் அழுத்தம் கூடிம். புலன்கள் குறித்த விழிப்புணர்வு மனதிற்கு கிடைக்கும், மனமே தன்னை அறிந்திட ஒர் வழி பிறக்கும். மேலும், அழுத்தம் அதிகமாக, தவ ஆற்றலும் கூடும். உடல் பலவீனமான தலைபாரம்  என்பது வேறுவகை, தவத்தால் வரும் தலைபாரம் என்பது வேறுவகை. இந்த தலைபாரம் வந்தவுடனே, குருவிடம் தெரிவிக்க வேண்டும். 

உங்கள் பதிலைக் கொண்டு, உடனடியாக “சாந்தி தவம்” பயிற்றுவிப்பார். ஆக்கினைக்கு ஏற்றிய குண்டலினியை மீண்டும், மூலாதரத்திற்கு இறக்கிவிடுவதுதான் சாந்திதவம் ஆகும். மூலாதாரத்தில் முன்னர் இருந்த குண்டலினி விழிப்பு பெறவில்லை. இப்போது விழிப்பு நிலையில் அங்கே அமைப்பதால் அதிலும் வேறுபாடு உண்டு. இதனால் தவ ஆற்றல் உடல் ஆற்றலாக மாறிடும், தலைபாரம் விலகிடும், உடல் உற்சாகமும், வலிமையும் கூடும் என்பதாக இந்தக்கவிதை உண்மை விளக்கம் அளிக்கிறது.

வாழ்க வளமுடன்

-----

Present by: