A life that has forgotten the mind!

 மனதை மறந்த மயக்க வாழ்வு!

மனதையும் மனதில் உள்ளதையும் மனதாலன்றி

வேறுஎவ்வகையில் தேடுவீர் என்றார் வேதாத்திரி

மனமொன்றை அறிந்திட்டால் மனிதன் முதலாக

ஆதியந்தம் இறைவரை அறிந்திட நல்வாய்ப்பாம்!

எளிமையாக சொல்லுவ தானால் எல்லாரகசியமும்

முழுமையாய் மறைந்துளது மனத்தின் உள்ளேயே!

அத்தகைய மனதைக்கொண்ட மனிதனிவ் வுலகில்

மனமறந்த மயக்கத்தில் வாழ்தல் ஏனோதிருந்துக!

விளக்கம்: 

மனிதனின் மனம் ஓர் அற்புதம் என்று முந்தைய கவிதைகள் வழியாக பார்த்தோம். அத்தகைய மனதையும், அந்த மனதில் உள்ள உண்மைகளையும், கருவிகளால் எப்படி காணமுடியும்? புலன்கள் வழியாகவும் காணமுடியாது, புலன்களுக்கு உதவும் விஞ்ஞான கருவிகளாலும் காணமுடியாது. வேறு எப்படி? மனதை அம்மனதால் மட்டுமே தேடிக்காண முடியும். வேறு எவ்வகையிலும் தேட முடியாது என்று குருமகான் வேதாத்திரி மகரிசி சொல்லுகிறார்.

மனதை அறிந்துவிட்டால், மனிதன் முதலாக, பிற உயிர்கள், இந்த உலகம், பௌதீக தோற்றங்கள், பேரண்டம் வரை, ஏன்?! இறையையும் அறிந்திட நல்ல வாய்ப்பு கிடைத்திடும். மிக எளிமையாக சொல்லுவதென்றால், நமக்குத் தேவையான எல்லா ரகசியமும், முழுமையாக மனதிற்குள் மறைந்துள்ளது. ஆனால் இத்தகைய மனதின் பெருமையை உணராமல், அறியாமல், ஆர்வமின்றி, மனம் என்பதை, ஒரு பொருட்டாக மதிக்காமல், ஏதோ இருக்கிறது, நம்மை கெடுக்கிறது, உயர்த்துகிறது என்ற அளவில், மனமறந்த மயக்கத்தில் வாழ்ந்து கொண்டிருக்கிறான். அவன், மனதின் உண்மை அறிந்து உய்யவேண்டும் என்று இந்தக்கவிதை விளக்கம் அளிக்கிறது.

வாழ்க வையகம்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: