Biomagnetism is the mind, and the subconscious mind is the conscience!

ஜீவகாந்தமே மனம், ஆழ்மனமே மனசாட்சி!

விண்வெளி உரசலிடை எழும் வான்காந்தசக்தி

அதன்மறு பதிப்பே உயிர்களில் ஊண்காந்தம்

அழுத்தம் ஒலிஒளி சுவைமணமாய் மாறியே

அதைதன் உணர்வாய் பெற்று பதிந்திடுமனம்!

எப்போதும் இருக்கும் இயங்கும் அலைந்திடும்

புறமனம் நடுமனம் ஆழ்மனமாய் செயல்படும்!

புறமனம் தூக்கத்தில் இல்லைநடுமனம் கனவில்!

ஆழ்மனமோ இறையோடு மனச்சாட்சி இதுவே!

விளக்கம்:

குருமகான் வேதாத்திரி மகரிசி அவர்கள், தன்னுடைய சொற்பொழிவுகளில் அடிக்கடி, காந்தம் என்றால் என்ன என்பதை விளக்குவதை கடமையாக கொண்டிருப்பார். அடிக்கடி நாம் கேட்டாலும் ஏதோ ஒருவகையில் அந்த உண்மையை மறந்துவிடுவோம். தலையை விட்டு வாலை பிடித்துவிடுவோம். காந்தம் என்பதை அறியாது கடவுள் உண்மையும் அறியமுடியாது என்பதை நினைவுகூர்வார். நாமும் இங்கே அடிக்கடி இந்த விளக்கம் பெறவேண்டி உள்ளது.

விண் சுத்தவெளி இவற்றின் உரசலினால் எழும் அலையே காந்தம் உருவாகிறது. அது நிறைவெளியில் எழுவதால் “வான்காந்தம்” என்று அழைக்கப்படும். அதே போல உயிர்களில் எழுவது “ஊண்காந்தம் / ஜீவகாந்தம்” என்று அழைக்கப்படும். ஜீவகாந்தமே, உயிரினங்களில் அழுத்தம், ஒலி, ஒளி, சுவை, மணம் என்று உணர்வுகளாக மலர்ந்து, அவ்வுணர்வைப் பெறும் மனமாகவும் இருந்து, அதை பதிவு செய்தும் கொள்கிறது. எப்போதும் உணர்வில் இருக்கிறது, இயங்குகிறது, 40 முதல் 14 வரையான மன அலை நீளங்களில் அலைகிறது.

இம்மனம், 3 தன்மையில் இயங்குகிறது. அவை, புறமனம், நடுமனம், ஆழ்மனம் ஆகியன. புறமனம் இயல்பு வாழ்வில் இருக்கும், ஆனால் தூக்கத்தில் இல்லை. கனவுகளை தருவது நடுமனம் ஆகும். நினைக்கும்தோறும் நடந்த நிகழ்ச்சிகளை அப்படியே எடுத்துக்காட்டுவது ஆழ்மனம் ஆகும். இதுவே மனசாட்சி என்றும் கூறுவர். இந்த ஆழ்மனமே எப்போதும் இறையோடு தொடர்பு கொண்டதாக இருக்கும். இந்த உண்மையை நாம் தவத்தால் மட்டுமே அறிய முடியும் என்பதாக இந்தக்கவிதை விளக்கம் தருகிறது!

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: