If the mind is elevated in thought!?

 மனதை சிந்தனையில் உயர்த்தினால்!?

மனிதருக்கு இவ்வுலகிலும் இயற்கையிலும் உள்ளதை

உணரவும் உணர்ந்து இன்புறவும் ஏற்றதொன்றேமனம்!

எவ்வுயிருக்கும் துன்பஇன்பம் இருந்தாலும் ஏன்எப்படி

என்றேஅது வந்தவழி சிந்தித்து திருத்துதல் மனிதருக்கே!

விதியென்ற வருந்திட்ட விடுதலை அங்கேமுளைக்கும்!

மனதில் எழுமெண்ணங்கள் ஒழுங்கிலமைக்க விதிஏது?

செயலில் விளைந்த துன்பங்கள் களைந்தெடுக்க ஏதுவிதி?

என்றாலும் விளைவுநீதி வழுவாமல் வாழ்ந்திடப்பழகுக!

விளக்கம்:

உலகில் வாழ்ந்து கொண்டிருக்கும் மனிதர்களுக்கு, உலக அனுபவங்களிலும், இயற்கையிலும் உள்ளதை உணரவும், அதையே உணர்ந்து இன்புறவும் பாலமாக மனம் இருக்கிறது. மனம் அடிப்படையில் எவ்வுயிருக்கும் உண்டு எனினும், அவற்றிற்கு ஓர் எல்லை உண்டு. ஒரு துன்பம், ஒரு இன்பம் வந்தால் ஏற்றுக்கொண்டு அதற்கான வட்டத்திலேயே நின்றுவிடும். ஆனால் மனிதர்களாகிய நாம், இது ஏன் நிகழ்ந்தது? எதற்காக விளைந்தது? எப்படி வந்தது? என்று கேள்வியை முன்வைத்து சிந்தித்து திருத்திக்கொள்வோம். இதனால் விதி என்ற அமைப்பில் இருந்து, விலகி ஆறாம் அறிவான சிந்தனைக்கு செல்கிறோம்.

இதற்கு மேல் இல்லை என்பதும், அதை அப்படியே ஏற்றுக்கொள்வதுமே விதி. ஆனால் ஒரு அனுபவத்திற்குப் பிறகு நாமே அதை திருத்தி அமைப்பதோ, அல்லது அந்த தவறு நேராதவாறு பிறருக்கு அறிவுரையாக சொல்லி திருத்துவதோ விதி என்ற அம்சத்திலிருந்து விலகிவிடுவதாகும். இதன் வழியாக, மனதில் எழும் தவறான எண்ணங்களை திருத்தி, சரியான ஒழுங்கில் செயல்படுத்த முடியும். செயலில் விளைந்த துன்பங்களையும் திருத்திக்கொள்ள முடியும். எனவே இங்கே விதி செயல்படாமல் இருக்கிறது. 

இதில் முக்கியமானதை நினைவில் கொள்ள வேண்டும். விதியை திருத்திக்கொள்ள முடியும் என்பதற்காக, எல்லாமே மனிதனால் முடியும் என்பது அறியாமை. ஏனென்றால், செயல் விளைவு நீதி என்ற இயற்கை ஒழுங்கமைப்பு உள்ளது. அதற்கு எந்த பாதகமும் வராமல், நல்லதுக்கு நல்லது என்ற முறையிலே செயல்பட பழகிக்கொள்ள வேண்டியது அவசியம். இத்தகைய உண்மையை இந்தக்கவிதை நமக்கு விளக்குகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: