Mind and thought will spread everywhere!

 மனமும் எண்ணமும் எங்கும் விரிந்திடும்!

காந்தம் என்றசிறப்பு அலையே மனமானதுன்மை

இரண்டிற்கும் ஐந்துபண்பு உள்ளது அதைஅறிவோம்!

மோதும்சிதறும் பிரதிபலித்து ஊடுறுவ இணையோடும்

இத்தன்மையால் இங்கும் எங்கும் விரிந்திடும் சுருங்கும்!

எண்ணத்தோடு இணைந்த மனம்அதை பரப்பிடும்!

நல்எண்ணம் கொண்டு தானுமுலகும் நன்மைபெறவே

எண்ணுவீர் எண்ணதால் மக்களின்நலம் பேணுவீர்

தனக்குள் பதிந்தேவிரிந்து எல்லோருக்கும் நலம்தரும்!

விளக்கம்:

மனம் வேறு, எண்ணம் வேறு என்பதை நாம் அறிந்திருக்கிறோம். மனம் என்பது எப்போதும் இருக்கும் ஒரு சக்தி நிலை, இயக்க நிலை (தூக்க நேரம் தவிர). அந்த மனதில் எழுவதே எண்ணம் ஆகும். ஏற்கனவே காந்தம் என்ற சிறப்பு அலையே அதன் ஆறாவது பரிணாமத்தில் மனமாக திகழ்வதை கண்டோம். மேலும் காந்தம், மனம் என்ற இரண்டுக்குமே ஐந்து அலை பண்புகள் உள்ளன. அவை 1) மோதும் 2) சிதறும் 3) பிரதிபலிக்கும் 4) ஊடுறுவும் 5) இரண்டுக்குமிடையே இணைந்தும் ஓடும்.

இத்தன்மையால் இங்கும் எங்கும் விரிடும் சுருங்கும்! அதாவது இந்த பிரபஞ்சம் வரை விரியவும், நம் மனதிற்குள்ளாக புள்ளியாகவும் சுருங்கும்.

இப்பொழுது கவனித்தால், மனதில் எழும் எண்ணமும் அத்தகைய தன்மை பெற்றுவிடுகிறது அல்லவா? எனவே நாம் நல்ல எண்ணம் கொண்டு, தானும் இந்த உலக மக்கள் அனைவரும் நன்றாக இருக்க வேண்டும் என்று எண்ணினால் அது எல்லோருக்கும் நண்மை தரதக்கதாக அமைந்துவிடும். இதனால் நல்ல எண்ணங்களையே மனதில் நினைக்க வேண்டும். தீய எண்ணம் என்றால் அதே தீய எண்ணம் தன்னையும், பிறரையும் கெடுக்கும். ஏனென்றால், மனம் முதலில் தன்னிடம் ஒரு இருப்பை புள்ளியாக வைத்துக்கொண்டுதான் விரிகிறது. 

இதனால் யார் எண்ணுகிறார்களோ அவர்களுக்கே முதலில் வெளிப்படும். எனவேதான் “வாழ்க வளமுடன்” என்று வாழ்த்தி நீங்களும், பிறரும் பயன் பெறுங்கள் என்று குருமகான் வேதாத்திரி மகரிசி அவர்கள் நமக்கு அறிவுறுத்துகிறார். இத்தகைய மனதின், எண்ணத்தின் சிறப்பை இந்தக்கவிதை நமக்கு விளக்கமாக தருகிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: