Only the mind can know the truth Static State!

 மனதால்தான் மெய்ப்பொருளை அறியமுடியும்!

மனமென்பது அலைவடிவானது அதுஓடும் உடலெங்கும்

அதனாலே ஐயுணர்வும் எண்ணமும் பெற்றேகடத்திடும்

நம்அறிவிற்கு அதனால் இருப்பும் நிகழ்வும் உணரலாம்!

குண்டலினி தவத்தில்மனதை ஐயுணர்விலிருந்து கழித்து

மனதை மனதாலே அறியசெய்து அறிவையும் அறியலாம்!

அவ்வழியில் முன்னேற பேரறிவாய் மெய்பொருளையும்

அறிந்து மேன்மையடையலாம் ஆதாரம் நம்மனமேஆகும்!

அங்கே ஓர்உண்மை மனதின்அடித்தளமே நிலைபொருள்!

விளக்கம்:

மனம் என்பதை ஒருபோதும் பொருளாக கருதக்ககூடியதல்ல. அது அலைவடிவானது. அது அரூபம் பார்க்கமுடியாது. ஆனால் உணரலாம். நவீன விஞ்ஞான கருவிகளால் அதன் இயக்கத்தை வரைபடமாக பெறலாம். நம் மனம் அலைவடிவானது என்பதால், இந்த உடல் முழுதும், உள் உறுப்புகள் ஊடுறுவியும் ஓடிக்கொண்டே இருக்கும். ஒரு உறுப்பில் ஏற்பட்ட வலியும் கூட மனதால்தான் உணர்கிறோம். அதுவும் எங்கே? எந்த இடத்தில் என்பதையும் நாம் ஓரளவு யூகிக்க முடியும். யாரேனும் எங்கே தொட்டாலும் உடனே தெரிந்து கொள்வோம். மனம் அந்த உணர்வை பெற்றி உடனே நம் அறிவுக்கு அனுப்பிவிடுகிறது.

யோகத்தின் வழியாக, குண்டலினி தவத்தில் மனதை, இத்தகைய தொடு, ஒளி, ஒலி, சுவை, மணம் என்ற ஐயுணர்வில் இருந்து விலக்கி, மனம் மனதையே கவனிக்கச்செய்து, அறிவை கவனிக்க தொடங்குகிறோம். இந்த வழியாக தொடர்ந்து தவமியிற்ற “மெய்ப்பொருளையும்” அறிந்து மேன்மை அடைய வழி கிடைக்கும். இந்த பயணத்தில் ஆதாரமாக இருப்பது நம் மனமே ஆகும். மெய்ப்பொருள் அறிதலில் நமக்கு கிடைக்கும் இன்னொரு உண்மை, நம் மனதின் அடித்தளமாக அந்த நிலைபொருளே இருக்கிறது என்பதாகும். இக்கருத்தை குரு மகான் வேதாத்திரியே நமக்கு தெரியப்படுத்துகிறார். இவ்வாறன உண்மைகளை இந்தக்கவிதை நமக்கு விளக்கமாக சொல்லுகிறது!

வாழ்க வளமுடன்!

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: