The mind, genetic center and karma

 மனமும் கருமையமும் கர்மாவும்!

மனமொரு அலையாய் இருப்பதே தனிவடிவில்லை

மூன்றுவயது ஆரம்பித்து மூச்சடக்கும் காலம்வரை

தான்பெறும் எல்லாம்தனக்குள் பதிந்தெடுத்துத்தரும்

தன்னுள்ளே வைத்ததை தன்வாரிசுக்கும் கொடுக்கும்

தன்மூலமான ஒவ்வோர் மனிதனின் கருமையம்வழி!

முன்னது சஞ்சிதம்பின் பிராரப்தம் தனதுஆகாமியம்

கருமையம் என்னஅது? மனதினுயிரின் வித்தின்மையம்!

சிறுதவறும் எழாதபடி எடுத்துக்காட்டி உனைதிருத்தும்!

விளக்கம்:

மனம் ஒரு உடற்பொருளாக, கருவியாக நினைத்து தேடினால் கிடைக்காது. மனம் அலைநிலையானது. தனி வடிவமற்று இருப்பதாகும். ஒரு மனிதன் பிறந்துவாழும் 3 வயதிலான குழந்தை பருவம் முதல், மூச்சு நின்று இறக்கும் வரைக்கும் இயங்கிக் கொண்டே இருக்கும் அற்புதம் இந்த மனம். தான் பெறும் எல்லா அனுபவங்களை எல்லாம், தனக்குள் பதிந்து கொள்ளும். அவ்வப்பொழுது எடுத்துக்காட்டும். தான் தன் வாழ்நாள் எல்லாம் பெற்ற அனுபவங்களை அப்படியே, மாறாமல், அடுத்த வாரிசுகளுக்கும் கொடுக்கும். எப்படி?

அந்த பதிவுகளை எல்லாம், மனதின் மூலமான, மையப்புள்ளியான கருமையத்திற்கு அனுப்பி நிலைப்படுத்திக் கொள்ளும். வங்கியின் கருவூலம் போல அங்கே எப்போதும் பாதுகாப்பாக இருக்கும். மனம் அங்கிருந்து, அதில் மூன்று நிலையாக எடுத்துக்கொடுக்கும். அவை 1) சஞ்சிதம் 2) பிராரப்தம் 3) ஆகாமியம் ஆகும்.

கருமையம் என்றால் என்ன? என்றால், ஒரு பொருள், ஒரு மனிதன் மையப்புள்ளி அமைவிடம். அங்கே மனிதனுக்கு, அவனின் உயிர்க்கான மையமாகவும், மனதிற்கு (ஜீவ காந்த) மையமாகவும், வித்திற்கு மையமாகவும் அமைகிறது. ஒரு சிறு தவறும் நேர்ந்திடாதவாறு, மிகச்சரியாக, அந்தந்த நேரத்தில், செயலில், எண்ணங்களில் விளைவாக எடுத்துக்காட்டி ஓவ்வொரு தனி மனிதனையும் திருத்தும். இதையே கர்மா, வினைப்பதிவு என்று அழைக்கிறோம். இத்தகைய உண்மை விளக்கத்தை இந்தக்கவிதை நமக்கு தெளிவு செய்கிறது!

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: