The truth and the lie of the mind!

 மனதின் உண்மையும் பொய்யும்!

மனமென்ற அற்புதம் உலகுக்கு தந்தோன்

வாழ்க வாழியவே அம்மனமே இறையுணர

துணையென கண்டோனும் வாழ்க வாழியவே!

யோகம் வழியே மனமெனும் உண்மைகண்ட

சித்தர்கள் மனிதனின் சிறப்பே மனமிதன்

என்றே உயர்த்திச் சொல்லினர் உலகோர்க்கு!

மனம் முழுதாய் அறியாமுன்சிலர் அதுகுறித்து

இல்லாததும் பொல்லாததும் கூறி வைத்தனர்!

விளக்கம்:

மனித சரித்திரத்தில், தன்னை உணர்ந்தல் எவ்வாறு நிகழ்ந்தது என்பது மிகவும் ஆய்வுக்குறிய பொருட்பாடம் ஆகும். மனிதன் என்பவன், பிற உயிர்களிடமிருந்து எப்படி வித்தியாங்களை உணர்ந்து, இன்று இயற்கைக்கே சவால் விடும் அளவுக்கு உயர்ந்து நிற்கிறான் என்றால் அது அற்புதம் தானே! இயற்கைக்கு சவால் விட்டுப்பழகி, தன் வரம்பை மீறி தன் வாழ்க்கையையே கேள்விக் குறியாகவும் மாற்றிக் கொண்டிருக்கிறான் என்பதும் உண்மை. 

தன் சிந்தனையில், ஆராய்ச்சியில், கற்றுக்கொள்வதில். அதன் அனுபவத்தில் உயர்ந்த மனிதன், மனம் என்றொரு மறைபொருள், ஓவ்வொரு மனிதனுக்கும் உண்டு என்று அறிந்தான் அல்லவா அதுவும் அற்புதமே. அதை அறிந்து இந்த உலக்குக்கு, எல்லோருக்கும் தெரியும்படி சொன்னானே அவனுமே அற்புதம். அவர்கள் யாராக இருந்தாலும், வாழ்க வாழ்க, இவ்வுலகம் இருக்கும் வரையில் வாழ்க  என்று வாழ்த்துவோம். வாழ்க வளமுடன். அதே மனதைக்கொண்டு, அதனையே அறிந்து, அதன் வழியாக இறை உணரவும் வழி வகுத்த சித்தர்களும் வாழ்கவே. சித்தர்கள் போலவே, ஞானியர்களும், மகான்களும், மனிதன், மனம்+இதன்=மனிதன் என்ற பொருள்பட விளக்கினார்களே அவர்களும் வாழியவே.

இவ்வளவில் உயர்ந்த மனதை அறிந்துகொள்ளாமல், முழுதாக அறிந்து கொள்ளாமல் ஏமாற்றமாகி, மனதைப்பற்றி இல்லாதததும், பொல்லாததும் சொல்லி மக்களை குழுப்பமடைய செய்தார்கள். அப்படியான கருத்துக்களும் இந்த உலகில் பரவி இருக்கின்றன என்பதும் உண்மையே. இந்த தவறான கருத்துக்கள்தான், மக்களிடம் “தன்னால் யோகம் கற்க முடியாது, அதன் வழியாக மனதை அறியமுடியாது” என்ற நம்பிக்கையின்மை விதைத்துவிட்டது என்ற உண்மையை இந்தக்கவிதை விளக்கிச் சொல்லுகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: