The yoga sutras are meant to perfect the mind!

 மனதை பக்குவப்படுத்தவே யோக சூத்திரங்கள்!

மனிதனின் மனதை பக்குவப்படுத்தவே ஞானியர்

இயமம்நியமம் ஆசனம் பிராணயமம் ப்ரதியகாரா

மற்றும் தாரணதியானம் சமாதியிவற்றை வகுத்தார்!

இத்தனையில் சமாதி தவிர்த்து மனமொடுங்கிட

மந்திரம் எந்திரம் தந்திரம்வழி ஏற்படுத்தித்தந்தார்!

சமாதியிலோ மனமற்று மெய்யோடு ஒன்றிடலாம்!

பழக்கத்தால் ஓடிக்கொண்டே இருக்கும் மனதை

அதன்வழியிலே அறிந்திட பழக்கினால் ஒடுங்கிடுமே!

விளக்கம்:

என்றைக்கு மனிதன் தன் பரிணாமத்தில் நிலைத்தானோ, அன்றிலிருந்து அவனின்  சிந்தனை வளர்ந்து கொண்டே இருக்கிறது. தன்னையும், தன் வாழ்க்கையும் உயர்த்திக் கொள்வதையும் செய்தான். கூடவே “நான் யார்?” என்ற கேள்விக்கான விடையையும் கண்டுகொள்ள துடித்தான். அதில் விடைகண்ட ஞானியர்கள், தாங்கள் அறிந்த அந்த வித்தையை, சாதாரண மக்களுக்கும் தந்தார்கள். இப்படியான வழிகளில் நீங்கள் சென்றால், உங்களை மனதை பக்குவப்படுத்தலாம், வாழ்வில் உயரலாம், நான் யார் என்பதை அறியலாம் என்றார்கள். 

அந்த ஞானியர்களில், பதஞ்சலி முனிவர் ஏற்படுத்தித் தந்ததாக 8 முறைகள் உண்டு. அவை 1) இயமம் 2) நியமம் 3)ஆசனம் 4) பிராணயமம் 5) ப்ரதியகாரா

5) தாரண 7) தியானம் மற்றும்  8) சமாதி ஆகும். இதில் முதல் ஏழும் படி நிலையாக, ஒவ்வொன்றாக மேன்மை தந்து, மனதை உயர்த்தக்கூடியவை.  இதற்குத் துணையாகவே மந்திரம், எந்திரம், தந்திரம் என்பதையும் தந்தார்கள். மந்திரம் என்பது வார்த்தை ஒலிகளால் சக்தி கூட்டுவது. எந்திரம் என்பது ஒரு பொருளை உருவகமாக, அரூபமாக பாவிப்பது. தந்திரம் என்பது வழிபாட்டு முறைகளாக் இருப்பது.

இதில் சமாதி என்பதுவே இறுதி நிலை ஆகும். அதாவது மனமற்று, மெய்ப்பொருளோடு இணைந்து நிற்றல் என்பதாகும். இது இறந்த பிறகு கிடைக்கும் சமாதியை குறிப்பிடுவதில்லை.

இந்த எட்டு யோக சூத்திரங்களின் வழியாக, ஓடிக்கொண்டே இருக்கக்கூடிய மனதை, அதன் பழக்கத்தை மாற்றி, திருப்பி, மனதை மனதாலே அறியக்கூடிய வகைக்கு கொண்டுவந்து பழகினால், ஒடுங்கி நின்று விளக்கம் பெறும் என்பதாக இந்தக்கவிதை உண்மை விளக்கம் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: