We know who owns the mind!

 மனம் யாருக்கு உண்டு அறிவோம்!

மனம் என்பதை உணர்வுபதிவு எடுத்துக்காட்டல்

என்ற மூன்று செயல்களால் குறிப்பிடலாம்மேலும்

மனிதனில் தன்னையுணரும் தன்மை கொண்டது!

ஓருயிர் தாவரத்தில் உணர்வுநிலை தடையில்லை

ஈருயிர்முதல் ஐயறிவுவரை மனம் உண்டுஅறிவீர்

ஐயறிவின் குறையுணர்ந்தே திருத்தமாய் மனிதன்

தேவையாய் தானே மலர்ந்தது வெளியெனுமாற்றல்!

உண்மை அறிந்தே தன்னை உணர்ந்துமூலம்சேர

பிறவியின் நோக்கம் தீரவாழ்வில் முழுமையின்பம்!

விளக்கம்:

மனிதனாக பிறந்தவருக்கு மட்டுமே மனம் என்பது ஏற்புடையதல்ல. ஆயினும் மனிதனில் மனம் உச்ச நிலை ஆகும். எப்படி என்பதை பார்க்கலாம். பொதுவாக மனம் நான்கு இயக்கங்களை கொண்டது. 1) உணர்தல் 2) பதிவு செய்தல் 3) எடுத்துக்காட்டல் 4) மனிதனில் மட்டுமே தன்னை உணர்தல் ஆகிய ஆகும். 

ஓரறிவு தாவரம் என்பதில் அறிவு என்பது இருக்கிறது என்பதை அறிவோம். மனம் இருக்கிறதா? ஆம். தொட்டால் தன் இலைகளை மூடிக்கொள்கிறதே அப்படியானல் அதற்கு உணர்ச்சி இருக்கிறது தானே?! ஆனால் அங்கே உணர்ச்சி தடை இல்லை. அதற்கடுத்த ஈரறிவு முதல் ஐயறிவு வரை அறிவும் உண்டு, மனமும் உண்டு. ஆனால் இந்த பரிணாமத்தில் முழுமை காணாத, பேரறிவான வெட்டவெளி (இறை), பேராற்றல் முழுமை காணவே, ஆறறிவு மனிதனாக, திருத்தப்பட்ட பதிப்பாக மலர்ந்தது.

ஆனால், அம்மனிதன் தன் வாழ்க்கையில், தன்னை மறந்து, ஐயறிவு போலவே, பிற உயிர் கொலை, வாழும் சுதந்திரம் பறித்தல்,  பிற உயிர் பொருள் அபகரித்தல் என்றே வாழ்ந்து சிக்கிக்கொண்டான். தன் தரம் நினைந்து, ஆறறவின் உயர்வறிந்து, “நான் யார்?” என்ற கேள்வியின் வழி உண்மை உணர்ந்தால், பிறவியின் நோக்கம் தீர்ந்து, வாழ்வு முழுமையும் இன்பமாக வாழலாம் என்று இந்தக்கவிதை விளக்கம் தருகிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: