What formed the mind ?!

 மனம் எதனால் உருவானது?!

உயிரின் படர்க்கை நிலையே மனமாம்

என்றே விளக்குகிறார் குரு வேதாத்திரி

உயிரில்லா நிலையில் மனமும் இல்லை

அதுபோல மனமென்ற அது தனியில்லை

உயிரின் படர்க்கை ஆனாலும் மனதிற்கு

இறைதான் உருவாக்கத் துணை ஆகிறது

இதன்வழியே மனதின் அடிநிலை ஆராய

அங்கே இறையே இருப்பதை அறிகிறோம்! 

விளக்கம்:

மனம் என்பது, உயிரின் படர்க்கை நிலை என்று குறிப்பிடுகின்றார் குருமகான் வேதாத்திரி மகரிசி. உயிர் என்பது இல்லையேல் அங்கே, மனமும் இல்லை, உணர்ச்சிகளும் இல்லை. அதுபோலவே மனம் தனியாக தனித்து நின்றிடவும் முடியாது. ஆனாலும் உண்மை என்னவென்றால், நேரடியாக உயிரிலிருந்து மனம் தோன்றிவிடவில்லை. 

உயிரின் படர்க்கை நிலையாக மனம் தோன்றுவதற்கு, இறை ஆற்றலும் துணை செய்கிறது. இங்கே இறை ஆற்றலை, தன் இறுக்க சூழ்ந்து அழுத்தும் ஆற்றலாகக் கொள்வோம். உயிரின் சுழற்சியிலும், இறையின் சூழ்ந்த அழுத்தத்தினாலும் மனம் உருவாகிறது. (இனிவரும் கவிகளில் இவ்விளக்கம் காணலாம்). இந்த நிகழ்வின் காரணமாகவே, மனதை ஆராய்ந்தால், மனதிற்கு அடித்தளமாக இறையே இருப்பதை அறிந்துகொள்கிறோம் என்ற உண்மையை, இந்தக்கவிதை விளக்கமாக சொல்லுகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: