You will spend the power of your mind awake!

 மனதின் சக்தியை விழிப்போடு செலவழிப்பீர்!

மனிதனின் மனமொர்நாளில் உற்சாகம் மிகபெருவதற்கும்,

சோகத்தில் திளைப்பதற்கும் அலைத்திணிவே காரணமாகும்!

மனம்விரும்பி ஏற்கும்செயல்களில் கவனம்விழிப்பு வேண்டும்!

இல்லையேல் உடனடிபற்றாக்குறை சோர்வுமயக்கம் எழும்!

கூடவேதேவையற்ற பதிவுமுண்டு அதுஓர் வாழ்க்கைச்சிக்கல்!

இழந்தசக்தி தூக்கம்நீர்காற்று பூவிமையம் பிரபஞ்சம்உதவும்!

மனசக்தி எங்கேனும் ஆழமாகவெளியானால் மரணமேவரும்!

மனமன்றி இவ்வுலகில் எப்படிவாழ்வீர் மனதைபோற்றுவீர்! 

விளக்கம்:

மனிதன் ஒரு நாள் மகிழ்வாக இருப்பான், மறுநாள் சோகமாக இருப்பான். சில் நேரங்களில் காரணமே இல்லாமல் தனிமையில் இருப்பான். ஆனால் இதற்கு ஆதாரமாக இருப்பது, மனம் அதன் செயல்பாடே ஆகும். தூங்கி எழுந்த உடனே மனதின் உற்சாகம் அதிகமிருப்பதை உணரலாம். ஆனால் தனக்கு விருப்பமான செயல்களை செய்வதில், நன்மைக்கு பதிலாக விரயமாக்கினால், மனம் உடனே சோர்வடையும். மனம் தன்னுடைய அலைத்திணிவை இழக்கிறது. ஒரு சக்கரம் வேகமாக சுழலுவதையும் மெதுவாக சுழலுவதையும் உதாரணமாக கொள்க.

இதனால் மனம் விரும்பும் செயல்களில், எது தனக்கு ஏற்றது என்பதை கவனிக்க வேண்டும். இதனால்தான் மனம் போன போக்கில் போக வேண்டாம் என்பார்கள். மனம் விரும்பும் செயல்களில் உண்மையிலேயே உங்களுக்கு மகிழ்ச்சி உண்டாகும் என்றால் அது தவறல்ல. ஆனால் இழப்பானால் கடினமே, மயக்கம் கூட வந்துவிடும். கூடவே தேவையற்ற பதிவைக்கொடுத்து, மீண்டும் மீண்டும் இதுபோல செய்க என்று மனமே உங்களைத் தூண்டும். இது வாழ்க்கையை சிக்கலாக்கும்.

மனதிற்கு ஐந்து வழிகளில், தூக்கம், நீர் பருகுதல், காற்று, புவிமையம் ஆற்றல், பிரபஞ்ச ஆற்றல் மூலமாக சக்தி இழப்பு ஈடு செய்யப்படும். மனதின் ஆற்றல், அதீதமாக, ஆழமாக செலவாகுமானால் அது மரணத்தையே தோற்றுவிக்கும். இந்த உலகில் மனம் இன்றி எப்படி வாழமுடியும்? எனவே மனதை போற்றி பாதுகாத்து, விழிப்புணர்வோடு எண்ணம், சொல், செயல்களில் ஈடுபடுக என்று இந்தக்கவிதை விளக்கம் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: