Let us ask, Who Am I?

 கேட்கலாமா? நான் யார்?

எல்லோருக்கும் ஓராசை பிறக்கக்கூடும் அதுஎன்ன?

தீடீரென்று நானெங்கு இருக்கிறேன் என்றேகேட்க!

அங்கனம் இவ்வாழ்வை ஒருகணமேனும் மறந்திடவே!

அதியமொன்று சொல்லிடவா? உண்மையே அதுநிகழும்,

நீயார்மனம்யார் என்றேஅறிந்திட தயக்கம் இன்னுமேனோ?

சொல்லால் இதுஎன்றும் புரிந்திடாது எப்படிபொய்யென்பீர்!

நான்யார் என்றேரமணர் கேட்டதுபோல் உன்னில்கேட்பீர்!

என்றாவது ஓர்நாளது விளங்கிடும் மனஉண்மைபுரிந்திடுமே!

விளக்கம்:

இன்னனும் இருக்கக்கூடிய சில பெரிய மனிதர்கள், வீடுகளில் பேசிக்கொள்வார்கள். “என்னடா இது, மந்திரிச்சு விட்ட கோழி மாதிரி உலாவுறே?” என்பார்கள். அதாவது சிறுவர்கள், அந்த வயதில் என்ன செய்வது என்பது தெரியாமல், வீட்டிற்குள் வருவதும், போவதுமாக இருப்பார்கள். எதிரே யார் வருவதும் கூட தெரியாது. கூப்பிட்டாலும் பதில் சொல்ல மாட்டார்கள். அதுபோல இக்கால மனிதர்கள் வேலை, தொழில், குடும்பம், பிரச்சனை, சிக்கல் அப்படி, இப்படி என்று பலவகையாக, என்ன செய்வது என்று தவிக்கிறார்கள். இதற்கெல்லாம் விடிவே வராதா? என்று வருந்துவார்கள். திடீரென்று மயக்கம் போட்டு விழுந்து, முழித்து “நான் எங்கே இருக்கிறேன்?” என்ற எல்லாம் மறந்த நிலைக்கு ”ஒரு கண நேரமாவது” போய்விட மாட்டோமா? என்று ஏங்குவார்கள்.

ஒரு உண்மையை நான் சொல்லட்டுமா? அதிசயம் ஆனால் உண்மை. இது நிகழ்க்கூடியதுதான். எப்படி அது நிகழும்? நீங்கள் யார் என்பதை அறிந்துகொள்ள வேண்டும். அடுத்து மனம் என்பது என்ன என்பதை தெரிந்துகொள்ள வேண்டும். ஆனால் எல்லோரும் செயல்படுத்த தயங்குகிறார்களே?!

அதெப்படி இது நிகழும்? பொய், புரட்டு, அல்லது ஜாலவித்தை என்பார்கள். உங்களுக்குத் தெரியும். திருவண்ணாமலையில் வாழ்ந்த, பகவான் ரமணமகரிசி அவர்கள்தான் “நான் யார்?” என்ற கேள்வியை பெரிதும் புகழ்பெற ஆரம்பித்து வைத்தார்கள். இன்று உலகமெங்கும் இந்த வேதாந்த கேள்வி பரவியிருக்கிறது. இந்த கேள்வியை இன்றே கேட்கத்துவங்குங்கள். என்றாவது ஒருநாளில் இதற்கான உண்மை உங்கள் உள்ளே தெரிந்திடும். மனம் என்பது என்ன என்பதும் புரிந்திடும். இத்தகைய, மனம் குறித்து தேடலுக்கான உண்மையை இந்தக்கவிதை நமக்கு விளக்கமாக தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: