You know the connecting power of the mind!

 மனதின் இணைக்கும் ஆற்றல் அறிவீர்!

வாழும்காலத்தில் நேற்றுமின்றும் நாளையும் மனதாலே!

நேற்றுபெற்ற அனுபவம் அனைத்தும் தனக்குள்ளிருக்கும்,

மூளைவழி துணைகொண்டு விரித்துக்காட்டும் வெளியே!

இன்றுஎது பெற்றாலும்மனம் ஒன்றிபதிந்து கொண்டிருக்கும்!

நாளைஎதுவே தேவைக்கேற்ப சிந்தைனையாக விரிந்திடும்

கூடவேமனம் தன்னைக்கடந்த வான்காந்தம் துணையோடு!

இணைந்தே இருக்கும்ஓர்மனம் தன்அலையால் தன்னோடு

மூளைகருமையம் வான்காந்தம் உலகமாந்தர் மனதோடும்!

விளக்கம்:

ஒரு மனிதவாழ்வில் மூன்று காலங்களை பெறலாம். தற்பொழுது வாழும் காலம், நேற்று வாழ்ந்த காலம், நாளை வாழப்போகிற காலம். ஆனால் உண்மையில் நேற்றும், நாளையும் இல்லவே இல்லை. இன்றைய நாள் மட்டுமே உண்மையானது, வெளிப்படையானது, பயன்படுத்திக்கொள்ளக் கூடியது, அனுபவிக்கக்கூடியது. இந்த மூன்று காலத்திற்கும் போய்வர மனம் உதவும். எப்படி என்றால்?

நேற்றை நாள், எத்தனையோ ஆண்டுக்கு முன் கூட, அதாவது நாம் பிறந்து வளர்ந்த மூன்று வயதுகாலத்திற்கும் போய் நிற்கலாம். அந்த நினைவுகளை அசை போடலாம். மனம் அந்த பதிவுகளை, மூளைக்கும், கருமையத்திற்கும் கடத்தியது, இப்பொழுது மூளை அந்த நினைவுகளை விரித்துக்காட்டுகிறது. இன்றைய நாளில் மனம் என்ன செய்கிறது? எல்லாவற்றையும் அனுபவித்துக்கொண்டே பதிவு செய்கிறது. அப்படியானால் நாளை என்று நினைத்தால், நம் அனுபவங்களைக் கொண்டு, அப்படி, இப்படி புதிதாக, நம் எதிர்பார்ப்புக்குள்ளாக காட்சி ஆக்குகிறது. மேலும், நம் அறிவுக்கு எட்டாத சில அனுபவங்களை வான் காந்தம் வழியாக பெற்றுக்கொண்டும் நமக்குத்தரும்.

இன்னும் உண்மையை சொல்லப்போனால், நம் மனமானது எப்போதுமே, தன்னுடைய அலையால் மூளை, கருமையம், பரந்து விரிந்த வான்காந்தம் மற்றும் உலக மனிதர்களுடைய மனதோடும் இணைப்பு வைத்துக்கொண்டேதான் இருக்கிறது. இதை உங்களின் சில அனுபவத்தால் அறிந்துகொள்ளவும் முடியும். இத்தகைய மனதின் அலை ஆற்றலை இந்தக்கவிதை விளக்கமாக நமக்குச் சொல்லுகிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: