Realize the value of thought by the guru! annex

எண்ணத்தின் மதிப்பை குருவால் உணர்ந்திடு!

இங்கே: கவிதை படிக்கலாம்

விளக்கம்:

ஓடிக்கொண்டே இருக்கும் எண்ணத்தை நிறுத்திவிடலாமா என்பது நிறைய அன்பர்களின் விருப்பமாக இருக்கும். இது எழுந்துகொண்டே இருப்பதனால் அல்லவா, பலப்பல சிக்கல்கள் எழுகின்றன. நிறுத்தினால நல்லதுதானே என்று பலவித ஆலோசனைகளையும் முயற்சிகளையும் செய்வார்கள். ஆனாலும் அந்த முயற்சியெல்லாம் வீண் ஆகிவிடும். நிச்சயமாக எண்ணம் ஒருநாள் நின்றிடும். இந்த மனித உடலோடு உயிரிணைப்பு அறுத்த நொடியில் நின்றுவிடும். அதுவரையில் எழும் எண்ணங்களை நிறுத்திட முனைவதில் தோல்வியே கிடைக்கும்.

எண்ணமே, உயிர்ப்பு என்ற முன்னெடுப்பாக, எழுச்சியாக மலர்கிறது என்ற உண்மை தெளிவோம். எண்ணமே ஆதியாகவும், அந்த ஆதியே தன்னை யாரெனெ அறிந்திட எண்ணமே உதவியது. அந்த வழியாகவே மனிதனும் தன்னையறிய எண்ணத்தின் துணை கொண்டான். அதுவே அவனுக்கு உதவியாகவும் இருக்கிறது,

எண்ணத்தின் உயர்ந்த மதிப்பை குருவால்தான் உணர முடியும். உலகில் கிடைக்கும் ஆலோசனைகள் உண்மை உணர்த்தாது என்பது உறுதி. ஆனால் கிடைக்கும் நூல்கள், அறிவுரைகள், சொற்பொழிவுகள் இவற்றில் யாரேனும் சொல்வதை நம்பியும், தானேயும் வீணாக ஏதேனும் ஒரு விசயத்தை எண்ணியெண்ணி எண்ணத்தின் வலிமையை தகர்த்து விடுவார்கள். தன் வாழ்க்கையில் இயல்பாக நடக்கக்கூடியதையும் கெடுத்துக் கொள்வார்கள். எண்ணமே சக்தியின் மூலமாகவும் இருப்பதால் மிகுந்த கவனமும், தெளிவும், உணர்தலும் வேண்டும் என்ற உண்மையை இந்தக்கவிதை நமக்கு தெரிவிக்கிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: