Do you know what is the driving force of thought? annex

 எண்ணத்தை இயக்கும் சக்தி எதுவென்று அறியலாமா?

கவிதை: இங்கே படிக்கவும்

விளக்கம்:

நமக்குள் எழும் எண்ணம் எதனால் நிகழ்கிறது என்று யாரிடமாவது கேட்டால், அது தெய்வத்தின் செயல் என்பார்கள். சிலர் நினைத்ததால் நிகழ்கிறது என்பார்கள். இன்னும் சிலர் அதெல்லாம் இயற்கையாக வரத்தான் செய்யும் என்பார்கள். எப்படியோ ஏதோ ஒரு சக்தி துணையாக இருக்கிறது என்ற முடிவுக்கு வரலாம் அல்லவா? அப்படியான அந்த சக்தியை, இறையாற்றல் என்று சொல்லுவது தவறில்லையே. நம்மை மீறிய, நமக்கு கட்டுப்படாத, எதிர்ப்பு காட்ட இயலாத, நம்மை தடுத்து திருப்பும் சக்தி அதுவாயிற்றே மறுக்கமுடியுமா?

எண்ணம் கருமையத்திலிருந்துதான் எழுகின்றது என்பதை ஏற்கனவே பலகவிதைகள் வழியாக இங்கே தந்திருக்கிறோம், மறுபடி அதை நினைவுகூர்க. அத்தகைய எண்ண எழுச்சிக்கு துணையாக நிற்பது, மனமும், அதன் இயக்கநிலையும் ஆகும். எழுந்த எண்ணங்களுக்கு ஒரு காட்சி வடிவம் கொடுக்க, நம் மூளை உதவுகிறது என்பதையும் அறிந்துகொள்ளுங்கள்!

உங்களுக்கு ஏற்கனவே அனுபவப்படாத ஒரு விசயத்தின் அடிப்படியில் எண்ணம் எழுந்தாலும் காட்சி வடிவம் கிடைக்காது என்பது உறுதி. இதனால் செயல்பட்ட வினைகள், செய்த வினைகள், செய்கின்ற வினைகள் இவற்றின் அடிப்படையில்தான் பெரும்பாலான எண்ணங்கள் எழுந்துவரும். இதற்கான தூண்டுதல்சக்தி இறையாற்றல்தான். மேலும் எண்ணத்தில் ஊடாகவும் அடிப்படையாகவும் அந்த இறையாற்றலே தான். இப்படிப்பட்ட அந்த எண்ணம் தனக்குள்ளாக எத்தகைய சக்தியை அடக்கிவைத்திருக்கிறது என்று எளிமையான உதாரணத்தால் அறியமுடியும்! எப்படி? 

என்றாவது ஒருநாள் நீங்களே உணர்ந்திருக்கலாம், எதோ ஒரு எண்ணம் ஒருநாள் முழுவதும் நினைத்துக்கொண்டே இருந்தால், உடலில் சக்தி இழந்ததுபோல இருப்பீர்கள். ஆம் உண்மையிலேயே மனமும் உடலும் சோர்ந்து போய் தூக்கம் வந்துவிடும், சில நேரங்களில் மயக்கமும் வரும் என்பதையும் அறிந்து கொள்வீர் என்று இந்தக்கவிதை எண்ணங்களை இயக்கும் சக்தி எதுவென்பதை விளக்குகிறது!

வாழ்க வளமுடன்!

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: