Do you know where the thought arises and where it meets? annex

எண்ணம் எழுமிடமும் சேருமிடமும் எங்கே தெரியுமா?

கவிதை: இங்கே படிக்கவும்

விளக்கம்:

ஒரு மனிதருக்கு எண்ணம் அமைதியாக இருக்கிறதா என்றால் இல்லை. தூங்கும் நேரம் மட்டுமாவது அந்த அமைதி கிடைக்கிறதா என்றால், நாம் தூங்குகிறோம் என்பதையே நாம் அறியவில்லை. எப்பொழுது கண் விழிக்கிறோமே, அந்த நொடியே மறுபடி எல்லா நினைவுகளும் வந்து நம்மை மறுபடி மிரட்டுகின்றன அல்லவா?

அப்படி எண்ணம் அலையாமல், நினைவுகளாக நம்மை தாக்காமல், ஒரு வேடிக்கை நிகழ்வாக நாம் பார்த்திட முடியுமா? முடியும். எப்படியென்றால், அழுத்தம், ஒலி, ஒளி, சுவை, மணம், மனம் என்ற ஆறு தன்மாற்ற நிலைகளையும் கடந்து, இறையுணர்வாக, விழிப்புணர்வு தன்மையில் இருந்தால்  மட்டுமே அது நிகழும். அத்தகைய நிலையே தெய்வீகம் என்றும் அழைக்கப்படுகிறது.

சரி, அந்த எண்ணம் எங்கேயிருந்து எழுகிறது? என்னதான் செய்கிறது? என்றால், மனதின் அடித்தளத்தில் இருந்துதான் எண்ணமாக எழுகிறது. அங்கிருந்து மலர்ந்து, நம்மை கடந்து, உலகில் உள்ள மனிதர்களை கடந்து, உலகையும் கடந்து விரிந்து, மறுபடியும், எங்கே இருந்து புறப்பட்டதோ அங்கே வந்து தங்கியும் விடுகிறது. போனதிற்கும், திரும்ப வந்ததற்கும் ஏதேனும் வித்தியாசம் இருக்குமா? என்று கேட்டால், ஆம் நிச்சயமாக உண்டு. நம்மிடமிருந்து பரந்து விரிந்த எண்ணம், அதைப்போலவே தகுந்த எண்ணம் கொண்ட மனிதர்களின் அனுபவங்களையும் இணைத்துக்கொண்டுதான் திரும்ப வருகிறது என்பது உண்மை. அதோடு மட்டுமல்ல, மீண்டும் தகுந்த காலத்தில் புதிய எண்ணமாக, சொல்லாக, செயலாக மலரும் என்பதாக இந்தக் கவிதை நமக்கு விளக்கம் அளிக்கிறது.

வாழ்க வளமுடன். 

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: