How do you avoid complex thinking?! annex

சிக்கலான எண்ணத்தை எப்படி விலக்குவீர்கள்?!

கவிதை: இங்கே படிக்கவும்

விளக்கம்:

ஒரு மனிதன் தன் எண்ணங்களேலே சிக்கிக் கொண்டு வருந்துவதை சொன்னால் ஏற்பார்களா? அப்படியெல்லாம் எந்த எண்ணமும் எனக்கு இல்லையே என்றுதான் மறுப்பார்கள். இதுகூடவா எனக்குத் தெரியாது என்று தன்னை உயர்வாகவும் சொல்லிக்கொள்வார்கள். ஆனால் உண்மையிலேயே அவர்களுடைய மனதில், அந்த ஆயிரக்கணக்கான எண்ணச் சிக்கலை எப்படி விடுவிப்பது என்று குழப்பத்தோடு இருப்பார்கள். இப்படிபட்டவர்களை எளிதில் அடையாளம் காணலாம். இத்தகைய மனிதர்கள், சுமையை எடுத்துச்செல்லும் வண்டியில் கூட, தலையில் தன்சுமையை தூக்கிச் செல்பவர்கள் ஆகும்!

இத்தகைய எண்ணச்சிக்கல், அவரின் மனதைக் கெடுத்து, வாழ்கின்ற வாழ்க்கையின் இனிமையை கெடுத்துக்கொண்டே இருக்கும். இதற்கு வழி என்ன? எப்படி அதை விளக்கமாக புரிந்துகொண்டு, சிக்கலை விடுவிப்பது? வாழ்வின் இனிமையை கெடுத்துக் கொள்ளாமல் இருப்பது? பார்க்கலாம்.

உங்களுக்கு உயரமான மலை ஏறவேண்டும், அதன் உச்சியில் நின்று சூரிய உதயம், பசும்புல்வெளி, பிற மலைத்தொடர்கள் காணவேண்டும் என்று ஆசைதான், ஆனால் உங்களால் முடியாது, வயதாகி தள்ளாட்டம் உண்டு, கோல் இன்றியோ, நடை உதவி உபகரணம் இன்றி நடக்கவே முடியாது. அப்படியான நிலையில் அந்த எண்ணம் தேவையா? 

தண்ணீரில் கால்வைக்கவே பயப்படும் நீங்கள், நீச்சலும் கற்கவில்லை, கடலில் போய் நீந்தவேண்டும், அதன் அடியில் பவளபாறை, வண்ண மீன் கூட்டங்களை காணவேண்டும் என்று எண்ணலாமா?

வாகன விபத்தில் சிக்கி, இடுப்பெலும்பும், கால் முட்டும் விலகி, கட்டுபோட்டு படுக்கையில் இருக்கிறீர்கள். எப்படியாவது சீக்கிரம் இந்த ஊர், உலகை சுற்றுலா சென்று பார்த்துவிடவேண்டும் என்று அடிக்கடி எண்ணலாமா?

பணம் என்பது, உழைத்தால் சுலபமாக கிடைக்கும் என்ற நிலையில், நான் எதும் உழைக்கமாட்டேன், ஆனால் எப்படியோ நான் கோடி கோடியாக பணத்தில் புரளவேண்டும் என்று சங்கற்பமாக எண்ணித்தில் உரு ஏற்றமுடியுமா?

தான் யாரோடும் முகம் கொடுத்து பேசாத ஒருவன், தனித்து வாழும் மனிதன், இந்த சமூகத்தில் உள்ள எல்லோரும், இணைந்து சகோதரமாக, அன்பாக, நட்பாக இருக்கவேண்டும் என்று எண்ணிக்கொண்டே இருக்கமுடியுமா?

இதையெல்லாம் சிந்தித்து, அந்த எண்ணத்தை ஆராய்ந்து, விட்டுவிட்டாலே நிம்மதி தானே? பொருத்தமில்லாத எண்ணச்சிக்கலை உருவாக்கிக் கொள்வதே நாம்தான் என்பதை அறிந்து எண்ணங்களில் சிக்கிக் கொள்ளாத, தெளிவான நிலையில் நாம் வாழப்பழக வேண்டும் என்று இந்தக்கவிதை உண்மை விளக்கம் அளிக்கிறது!

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: