Is there an explanation of how thought becomes action? annex

எண்ணம் செயலாவது எந்தவகையில் என்ற விளக்கம் உண்டா?

கவிதை: இங்கே படிக்கவும்

விளக்கம்:

ஒரு எண்ணம் நினைத்துவிட்டோம். அது செயலாக வேண்டும் என்று அழுத்தமும் கொடுத்துவிட்டோம். செயலாக மாறும் என்பது உறுதி. ஆனால் அந்த எண்ணத்திற்கு எப்படி, எந்தவகையில் வலு சேர்ந்து செயலாக வருகிறது என்பதை இந்தக்கவிதை தரவிருக்கிறது!

விஞ்ஞானத்தில், ஒளியின் வேகம் என்ற ஓர் அளவீடு உண்டு. நாம் காணும் நட்சத்திரங்களையும், விண்வெளி பயணதூரத்தையும், ஒரு ஆண்டில் ஒளி செல்லும் தூரம் (ஒளி ஆண்டுகள்) என்றும் கூறுவார்கள். ஒளியின் வேகம் நொடிக்கு, மூன்று லட்சம் கிலோமீட்டர் என்பதாகும். ஆனால் நம்முடைய எண்ணத்தின் வேகத்தை அப்படி கணித்திட முடியாது. விஞ்ஞானிகளும் தோற்றுப்போயினர் என்பதே உண்மை.

நீங்கள் நினைத்தவுடனே நீங்கள் இருக்கும் இடத்திலிருந்தே, உலகின் எந்த நாட்டிற்கும் செல்ல முடியும், உங்கள் பெற்றோரை, குழந்தைகளை, நண்பர்களை, காதலரை அவர்கள் வீட்டில் இருந்தபடி நினைக்கமுடியும். 9 கோடி மைல் தூரத்து சூரியனை, 624.5 ஒளி ஆண்டு தூரத்தில் இருக்கும் திருவாதிரை நட்சத்திரத்தை நினைக்க முடியும். அதைக்கடந்து பிரபஞ்சம் முழுதும் நினைக்கமுடியுமே! ஆகவே எண்ணத்தால் எதையும் நினைக்கலாம், நபராக மாறலாம், பொருளாகவும் மாறலாம்! அத்தகைய வலிமை வாய்ந்தது எண்ணமாகும்.

இப்போது நீங்கள் நினைத்த எண்ணத்தில், என்னென்ன இருக்கும்? பெரும்பாலும் அது உங்களுக்கு மட்டுமே தெரியும் இல்லையா?! அப்படியாக யார் யார், எங்கெங்கு, எப்படியெப்படி நினைத்தார்களோ, அதில் என்னென்ன இருந்ததோ அதையெல்லாம் தாங்கி, இந்த உலகெங்கும் பரவி, தகுந்ததெல்லாம் சேர்த்து, நினைத்த எல்லோரிடமும் மிகச்சரியாக, கூடுதல் பலத்தோடு, தகவலோடு, தன்மையோடு, விளைவோடு கொண்டு சேர்த்துவிடும். ஒருவேளை திரும்பி வரும்பொழுது, உங்களுக்கு ஏற்கக்கூடிய தன்மையோ, அளவோ, அனுபவமோ இல்லையென்றால், தகுந்த நபரை தானாகவே தேர்ந்தெடுத்தும் வழங்கிவிடும் பேரறறிவு எண்ணத்திற்கு உண்டு. கூடுதலாக பிறர் நினைத்த எண்ணங்களை உங்களுக்கும், உங்கள் எண்ணத்தை தகுந்த இன்னொரு நபருக்கு பகிரவும் செய்யும் என்பதை அறிந்தால், நல்லதை மட்டுமே எண்ணவேண்டும் என்பது உங்களுக்குப் புரியும். இவ்வாறாக எண்ணம் எவ்வகையில் செயலாகிறது என்று இந்தக்கவிதை விளக்கம் அளிக்கிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: