Life by your thought, you are the architect. annex

உன் எண்ணத்தால் வாழ்க்கை, நீயே சிற்பி

கவிதை: இங்கே படிக்கவும்

விளக்கம்:

பாமர மக்களின் தத்துவஞானி என அழைக்கப்படும், வேதாத்திரி மகரிஷி, ஏனைய தத்துவ ஞானிகள் போல், ‘எண்ணம்’ குறித்து சலிப்பு ஏற்படுவதுபோல சொல்லவில்லை. அவர், எண்ணங்களை ஆராய்ந்து, அதை பயன்படுத்தி, விளைவுகளை அறிந்து, அதை திருத்தி செயல்படுத்தி, அதன் நற்பலன்களை அனுபவித்து பிறகு அதை நமக்கு பயிற்சி பாடமாகவும் தந்து, உயர்ந்து நிற்கிறார். அந்தநிலையில்தான், உன் வாழ்க்கையை செதுக்கும் சிற்பி நீயே என்கிறார்.

நம் வாழ்க்கையை கொஞ்சம் ஆழ்ந்து யோசித்துப் பார்த்தால், எண்ணங்களால் தான் நம் வாழ்க்கை நடைபெறுவதை உணரலாம். நேற்றைய நாளும், இன்றைய நாளும், நாளை என்பதும் எண்ணங்களால்தான் என்பது தெளிவாக தெரியும்.

எப்படி என்பதை பார்க்கலாமா?! ஒரு பாறையை தேர்ந்தெடுத்து, உளியால், தேவையில்லாத பாகங்களை செதுக்கிக்கொண்டே வரும்பொழுது, அங்கே உயிரோட்டமான சிற்பம் இருப்பது தெரிகிறது. அதுபோலவே நமக்குள் எழும் எண்ணங்களில், அவசியமற்றதையும், கீழான எண்ணங்களையும் தவிர்த்து, நல்ல எண்ணங்களை தேர்ந்தெடுத்து விளைவாக்கிக் கொண்டால், நம் வாழ்க்கை சிறப்பாக அமையும். அப்படியாக அந்த வாழ்வு (சிற்பம்) இன்பமாக அமைப்பதும், துன்பமாக, சிக்கல் நிறைந்ததாக அமைப்பதும் நாம்தானே தவிர வேறொருவர் இல்லை. எனவே எழும் எண்ணங்களில் கவனம் கொள் என்று இந்தக்கவிதை சொல்லுகிறது.

மேலும், எண்ணத்தின் நிலை உயர்வுதான், வாழ்வின் நிலை உயர்வு என்று அர்த்தமாகிறது. ஒரு கீழான எண்ணம், எங்கிருந்து எழுகிறதோ அந்த மனதையும் பாதிக்கிறது என்பது உறுதி. எப்படி ஒரு சிற்பி மிக கவனமாக, உயிரோட்டமுள்ள சிலையை கொஞ்சம் கொஞ்சமாக வடித்து கொண்டுவருகிறானோ அதுபோலவே நாமும், நம் தகுதி, சூழல், தேவை இவற்றிக்குட்பட்டு, இயற்கைக்கும் மீறாத எண்ணங்களைக் கைக்கொள்ள வேண்டும் என்பதாக இந்தக்கவிதை விளக்கம் தருகிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: