The Truth on Trick Action of the Thoughts. annex

தந்திரமாய் எண்ணமே செயலாற்றும் உண்மை அறிக!

கவிதை: இங்கே படிக்கவும்

விளக்கம்:

உலகில் வாழும் உயிரினங்களில் மனிதன் மட்டுமே, இன்பம் எது என்று அறிந்து அதிலே லயித்து அமைதியாக வாழக்கூடிய தகுதி உள்ளவன். அதன்வழியாக பேரின்பத்தை அனுபவிக்கக் கூடியவன். ஆனால், மனிதனின் வாழ்க்கை அப்படியா நிகழ்கிறது? இன்பத்துக்கு மாறாக துன்பத்தை அல்லவா அனுபவித்துக் கொண்டிருக்கிறான். காரணமென்ன?

தானே உருவாக்கிக் கொண்ட வாழ்க்கை சிக்கல்களால், தன்னையறியாது துன்பத்தில் சிக்கிக் கொண்டான். அது அவன் கர்மா என்ற வினைப்பதிவாகவும் மாறிவிட்டது. அந்த பதிவுகளை மாற்றாமல் விடிவில்லை என்றாலும் கூட, அந்தக்கால ஞானியர்கள் ஓர் மாற்றுவழி கண்டுபிடித்து மக்களுக்கு தந்தனர். மனதையும் எண்ணத்தையும் சங்கல்பத்தின் வழியாக இணைத்து, தடையாக இருக்கிற பதிவுகளை திருத்தும் வழி. ஆனால் இது முழுமையானதல்ல. சில கால மாற்றம்  கிடைத்தால் அதன் வழியாக, இவன் யோகத்தில் வர வாய்ப்பு இருக்குமே என்றே, கணிப்பால் தந்த வழிமுறையே சங்கல்பமாகும்!

சங்கல்பத்தில் மூன்று படிநிலைகள் உண்டு, அவை மந்திரம், எந்திரம், தந்திரம் ஆகியன ஆகும். இதில் தந்திரம் என்று எடுத்துக்கொண்டால், அது நம் எண்ணங்களோடு தொடர்புடையது. முக்கியமாக, இயற்கை ஒழுங்கோடு அமைந்த தந்திரம் என்றால் மிகையில்லை. அதைத்தான் ஞானியர்கள் உணர்ந்து அமைத்தார்கள். அதனால் சங்கல்பம் சொல்லும் பொழுது, தந்திரமாக எண்ணம் செயல்பட்டு, அந்த சங்கல்பத்தை வெற்றிபெற வைக்கிறது. எனவேதான் சங்கல்பத்தை யார்வேண்டுமானலும் உருவாக்கலாம் என்ற நிலை உலகில் இல்லை. யார் எண்ணத்தின் இயல்பும், வலிமையும், தன்மையும் உணர்ந்தார்களோ அவர்கள்தான் அதை உருவாக்கமுடியும். அவர்களே ஞானியர், மகான்கள்! சாராசரி மனிதனோ, வேறு யாரோ சங்கல்பத்தை உருவாக்கினால் அது கீழான, தவறான விளைவை தந்துவிடும் என்பதையும் அறிக! இப்படியாக தந்திரமாய் எண்ணமே செயலாற்றும் உண்மையை இக்கவி நமக்கு விளக்கமாக தருகிறது!

வாழ்க வளமுடன்

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: