Thought is ready to blossom on the way! annex

 எண்ணமே மலர்ந்திட காத்திருக்கும்!

கவிதை: இங்கே படிக்கவும்

விளக்கம்:

மனிதர்களாகிய நாம், எண்ணத்தால் உயர்வு பெற்றவர்கள் என்றால் மிகையில்லை. நாம் எண்ணுகிறோம் என்ற சிறப்பே, ஆறாம் நிலை அறிவின் உச்சமாகும். அத்தகைய எண்ணங்கள் எத்தனை சக்தி வாய்ந்தது என்ற உண்மையை இந்தக்கவி நமக்கு தெரிவிக்கிறது.

எழுகின்ற எண்ணங்களும், நம்மால் உருவாக்கப்படுகின்ற எண்ணங்களும் ஒருபோதும் தவறிவிடுவதில்லை என்ற உண்மையை, இறை நீதியை நாம் அறிந்து கொள்ள வேண்டும். இதை இயற்கையின் செயல்விளைவு தத்துவமாகவும் ஏற்றுக்கொள்ளலாம். நம் வேதாத்திரி மகரிஷி எண்ணங்கள் குறித்து சொல்லும் பொழுது அதன் நீதியையும் குறிப்பிட்டே சொல்லுகிறார். அதனால்தான் எண்ணத்தை குறைத்து மதிப்பிட்டுவிடாதீர்கள் என்று நம்மை எச்சரிக்கிறார். ‘சும்மா எண்ணம்தானே!’ என்று நினைத்துவிடக்கூடாது என்பதே அதன் விளக்கமாகும்!

இந்த எண்ணங்கள் உடனடியாக, எல்லாமே செயலாகிவிடும் என்று கருதவழியில்லை. பெரும்பாலான எண்ணங்கள், பொருத்தமான காலத்திற்காக காத்திருக்கிறது. நான் நினைத்ததற்காகவும், நீங்கள் நினைத்ததற்காகவும் செயலாகிவிடாது. அதற்கென்று ஒரு தகுந்த காலம் என்ற ஒரு தன்மை உண்டு. எனவே எண்ணம் ஆங்காங்கே காத்திருக்கும் என்பது உண்மையாகிறது. எப்படி என்று இன்னும் சிந்தித்தால்...

நாம் பிறந்த காலம் முதல், கருத்தொடராக வந்த சஞ்சித கர்மா வினைகளால் நிரப்பப்பட்டிருக்கிறோம் அல்லவா? அதில் பலவித எண்ணங்கள் இருக்கும்தானே?! அவை எல்லாம், ஓவ்வொன்றாக செயலாக வெளிவந்திடும். சில எண்ணங்கள், அக்குழந்தையின் உடல் வளர்ச்சி, உள்ளத்தின் வளர்ச்சி, மூளை வளர்ச்சி ஆகும் வரை காத்திருக்கும் என்பதும் உண்மை. மூன்று வயது நிரம்பிவிட்டால், இருக்கிற எண்ணப்பதிவுகள் போதாதென்று, இக்குழந்தையும் தன் விருப்பத்தில் ‘இதுவேண்டும், அதுவேண்டும்’ என்று புதிதாக பதிந்துகொள்ளும். குழந்தையின் வேறு சில விருப்பங்களும் கூட எண்ணங்களாக பதிவாகிடும். 

அந்தவகையில், ஏற்கனவே இருக்கிற எண்ணங்களும், குழந்தையின் எண்ணங்களும், அதனுடைய வாழ்க்கைப்பாதையில் ஓவ்வொன்றாக நிறைவேறிட காத்திருக்கும் என்பது உறுதி, என்பதாக இந்தக்கவிதை உண்மை விளக்கம் தருகிறது.

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: