Thoughts will guide with your writings and speeches by naturally! annex

எழுத்திலும் பேச்சிலும் எண்ணத்தின் உதவி உண்டு!

கவிதை: இங்கே படிக்கவும்

விளக்கம்:

குரு மகான் வேதாத்திரி மகரிஷி அவர்களின், மனவளக்கலை வழியாகவும், அவரின் ஞானக்களஞ்சிய கவிதைகள் வழியாகவும், இதுவரை இங்கே நாம் படித்து வந்த கவிதைகள் வழியாகவும் எண்ணமே நம்முடைய சொல், செயல் இவற்றிற்கு மூலமாக இருப்பதை நாம் அறிந்துகொள்கிறோம். இந்த சொல்லும், செயலும் நமது கர்மவினையின் வழியாக, அதைச் சார்ந்து மலர்ந்து விரிந்துவிடும் என்பதையும் நம் புரிந்துகொள்ள வேண்டும். அதோடுமட்டுமல்ல, அந்த சொல்லும், செயலும் புதிதானது என்றால், அது சொல்லும் பொழுதும், செயலாகும் பொழுதும் இன்னொரு பதிவாகவும் பதிந்துவிடும் என்பது இயற்கையின் நீதியாகும்!

அந்த விளைவாக வருவது, அதாவது தானாகவும், தன்னாலும் வரும் விளைவு எது என்று நமக்கு தெரியாத நிலையும், விளைவாக விளைந்திட காத்து நிற்கும் என்பதே உண்மை. இந்த இயற்கை உண்மையையும் நாம் புரிந்துகொள்ள வேண்டும். இதனால் நம் மனமும், மூளையும் கணித்திட முடியாது என்பது பொதுவான கருத்தாக இருந்தாலும் கூட, தவம் இயற்றும் பயிற்சியினாலும், அதன் நீண்டகால அனுபவத்தினாலும், ஆராய்ச்சியினாலும் முன்பே கணித்திட முடியும். இதைத்தான் ஞானிகளும், மகான்களும் முக்காலமும் உணர்ந்து சொல்லுவதாகும் என்பதையும் அறிந்து கொள்ளலாம். 

இங்கே ஒரு அதிசய நிகழ்வாக ஒன்றையும் பார்த்துவிடலாமா? இந்த கவிதையின் தலைப்பு என்ன சொல்லுகிறது? எழுத்திலும் பேச்சிலும் எண்ணத்தின் உதவி உண்டு! அது எப்படி? என்றும் கேள்வி கேட்கத் தோன்றுகிறது அல்லவா? முதலில் எழுத்தும், பேச்சும் என்பது என்ன? செயலும் விளைவும் தானே?! எனவே இது எண்ணத்தின் வெளிப்பாடு என்பதிலும் உங்களுக்கு சந்தேகம் இருக்கப்போவதில்லை.

இதற்கு ஓர் வழி உண்டு. நம்முடைய மனமும் மூளையும் வினையற்று இருக்க வேண்டும். இன்னொரு வார்த்தையில், உங்களுக்கு பழக்கமான ஒரு வார்த்தையாக சொன்னால், தன்முனைப்பு (Ego) இல்லாமல் இருக்கவேண்டும். அப்படி உங்களால் இருக்கமுடியுமானால், அப்படி இருந்திட பழகிவிட்டால் இயற்கையின் நிலையாகவும், விருப்பமாகவும் இருந்திடலாம். அதன்வழியாக பேசவும் முடியும், எழுதவும் முடியும். முக்கியமாக நல்ல விளைவுகளை எதிர்நோக்கிடவும் முடியும் என்பதாக இந்தக்கவிதை நமக்கு விளக்கம் தருகிறது.

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: