What are you giving?

Sugumarje November 21, 2020

நீ என்ன தருகிறாய்?

பவளமல்லி மலர்கள் மலர்ந்திருந்தன

வழக்கம்போல் மணமும் கவர்ந்திழுத்தன

கடந்துசெல்ல மனமில்லது நின்றிருந்தேன்

சுவாசமுழுதும் மணத்தை நிறைந்திருந்தேன்

உள்ளுக்குள் குரலாய் ஒலிகேட்டது,

என்னால் உனக்கு தரமுடிந்தது

என்மணமும் அதன்வழியாக ஓர்நிறைவும்

உன்மகிழ்வில் நானுமே மகிழ்கிறேன்.

இப்படியாக உன்னிலிருந்து நீயும்

என்ன தருகிறாய் இவ்வுலகுக்கு?

கேட்ட கேள்வியில் திகைத்தேன்

என்னால் முடிந்தன்னென்று யோசித்தேன்

ஏகாந்த மணம் என்னிடமில்லை

மலர்கள் மலர்ச்சியும் என்னிடமில்லை

எண்ணப் போக்கில் சிதறியிருக்கிறேன்

மனம்போன போக்கில் கவனமிழக்கிறேன்

உன்னைபோல் இயற்கையில் ஒன்றிணைந்து

இயல்பாக இருக்கத்தான் முயற்சிக்கிறேன்

ஒருவரொடு ஒருவராய் கலந்திருக்கும்போது

வழிதான் தெரியாமல் சிக்கித்தவிக்கிறேன்

மனிதனென்பவன் மனம்இதன் கூட்டே

அறியாதிருக்கிறேன் இதுவரை மட்டே

சிறுமதியாய் திட்டமிட்டு பலவாறாய்

மதமொழிநாடு பிரித்து ரணமாறா

வாழ்வில்தான் நானும் இருக்கிறேன்.

எதைதருவேன் நான் தெரியாதிருக்கிறேன்.

உன்வளர்ச்சியில் எனக்கு பங்குண்டு

என்னிலிருந்து பயணம் தொடங்கியதில்

உனக்குச் சொல்ல வார்த்தைகளுண்டு

பரிணாமத்தின் முழுமை உன்னிடத்தில்.

முழுமை உணர்ந்து தெளிந்தால்

உன்னால் எவர்க்கும் தருவதற்கு