Baby-like fun life daily

குழந்தைபோல குதூகலம் தினமும்!

குழந்தைகள் போல குதூகலம்

யாவருக்கும் இங்கே கிடைக்கும்!

காலத்தால் நிகழ்வை பிரிக்காதீர்,

போயின நேற்று நடந்தவையெல்லாம்.

வருத்தம் எதுவும் தேவையில்லை.

நேற்றைய தவறால் பாதிப்புஅதையே,

திருத்திட வழியில்லை வருத்தமேன்?

வலியென்ன? இனிசெய்வது சரியானால்!

தவறின்மூலம் பாடம்கற்று தெளிந்தால்

புதியநாள் இனிதாக மலர்ந்துவரும்

குழந்தையின் குதூகலம் கூடிவரும்!

விளக்கம்: 

பெரும்பாலன மனிதர்கள், ஏதேனும் ஒரு சிரமத்தை, கஷ்டத்தை உணரும்பொழுது “ச்சே, பேசாமா குழந்தையாவே இருந்திருக்கலாம்” என்று புலம்புவார்கள். உண்மையிலேயே பெரிவர்கள் என்பது யார்? வளர்ந்த குழந்தைகள் தானே? அதை ஏன் மறந்தார்கள்? வளர்ந்த குழந்தைகளாக இருக்ககூடாது என்று யார் சொன்னது? இந்த உலகில் அப்படி வாழக்கூடாதா?

குழந்தைகள் மட்டும் மகிழ்ச்சியாக இருக்கிறார்கள் என்பதுகூட இப்பொழுது சொல்ல முடியவில்லை. எதிர்கால வாழ்க்கைக்கு இப்போதிருந்தே தயாராகும் முனைப்பில், படிப்பு, நுழைவுத்தேர்வு படிப்பு என்று விளையாட, தூங்க, சரியாக சாப்பிட நேரமின்றி இருக்கிறார்களே? 

ஆனால் முக்கியமாக எதுகுறித்தும் அவர்கள் கவலை கொள்வதில்லை. நேற்றைய நாள் நேற்றோடு என்பதுதான் குழந்தைகளின் உலகம். இதை நீங்களும் கடைபிடிக்கலாமே? நேற்று நீங்கள் தவறு செய்தீர்கள், அதனால் வருத்தம் வந்தது. நடந்த தவறை திருத்த முடியாது. இனி அந்த தவறு இல்லாதவாறு விழிப்போடு செயலாற்றுங்கள், முடிவு சரியாக வந்துவிடும் அல்லவா? இப்போது வருத்தம் என்ன? மகிழ்ச்சிதானே? இப்படியாக ஓவ்வொரு நாளையும் நடத்தினால் குதூகலத்திற்கு குறைவு என்ன? என்று விளக்குகிறது இந்தக்கவிதை.

வாழ்க வளமுடன்.

-----

Thanks to image by: Pexels and @Edward Eyer