Praise the Guru

 குருவை போற்றுங்கள்!

இவ்வுலகில் பிறந்த முதலே

மனிதன் வாழ்வில் குழப்பங்கள்

காரணம் மிகவும் எளிதானெதே

சிந்தனை வித்தோடு பிறந்தவனாயிற்றே

இயற்கை பிரபஞ்சம் வாழும்புவி

தாவரம் உயிரினம் என்சகாக்கள்

எல்லாம் யாராம்? நானும்யார்?

கேள்விகள் குறிந்து சிந்தித்தோர்

தெளிந்து தன்மூலம் எதுவென்றறிந்தார்

அவரே அனைவருக்கும் குருவானார்

குருவே ஆதிஅந்தம் விளக்கிகூற

அண்டிகேட்டோர் முழுமை பெற்றார்

விளக்கம்:

இன்று குருமகான் வேதாத்திரி மகரிசி அவர்களின் 110வது ஜெயந்தி நாள். குரு நினைவை போற்றும் வகையில் இக்கவி பிறக்கிறது. நான் யார்? என்ற கேள்வியில்தான் இறை அல்லது இயற்கை என்பது தெரியவரும். எனினும் இந்த வாழும் வாழ்க்கையில், அக்கேள்வி எழுப்பி குருவரை தேடுபவர் ஒரு சிலரே ஆகும். குரு தன் வாழ்வில் தேடிக் கண்டடைந்த முழுமையை, நமக்கு தருவதின் மூலம் நாமும் அந்த உண்மை உணர்ந்தவர்கள் ஆகிறோம். குரு புகழ் போற்றுவோம்.

வாழ்க வளமுடன்.