Praise the Leaders and Masters

தலைவர்களையும் ஞானிகளையும் போற்றுவோம்!

சுந்திரஇந்திய தேசத்தில் நிற்கிறோம்

என்பதில் என்றும்பெருமை கொள்வோம்

எத்தனையோ தேசீய தலைவர்களின்

தோளில் நிற்பதை மறவாதிருப்போம்.

உலகம் போற்றும் ஆன்மீகயோகம்இறை

திறவுகோலாய் இந்தியா இருப்பதைமறவோம்

எத்தனையோ சித்தர்கள் ஞானிகள்குருவின்

தத்துவங்கள் வழிசென்று உயர்ந்தோர்பலர்

அவ்வழியே நாமுமிறை தத்துவமுணர

சொல்லிச்சென்ற வழியிலே பயணிப்போம்!

வாழ்கவையகம் வாழ்கவையகம் வாழ்கவளமுடன்

விளக்கம்:

இந்தியநாடு இன்று உலக அரங்கில் தனித்து நிற்பதற்கு காரணம், அன்றைய மக்களும், அவர்களை நல்வழிப்படுத்திய தலைவர்களும் ஆகும். வருங்கால சந்ததியினருக்காக, அவர்கள் தங்கள் உயிரைப்பொருட்படுத்தாது, அடிமைத்தனத்தை எதிர்த்து, நம் நாடு நமக்கே என்று போராடி, விடுதலை பெற்றுத்தந்து, சுதந்திர இந்தியா அமைத்தனர். மக்களின் நாடாக வழிநடத்திக் கொடுத்தனர். தன்னலம் கருதாத அந்த உயர்ந்த தலைவர்களையும் மக்களையும் போற்றி வணங்குவோம்.

இந்த உலகையே திருத்தி, இயற்கையோடு இணைந்த வாழ்வை, மனிதனுக்கு அமைத்துக்கொடுக்க இந்திய சித்தர்கள், ஞானிகள், மகான்கள் சிந்தித்தார்கள். அவர்கள் உருவாக்கிய தத்துவங்களை ஆன்மீக வழியிலும், யோக வழியிலும் மக்களுக்கு கொடுத்து நெறிப்படுத்தினார்கள். இதனால் இந்தியா உலகுக்கே வழிகாட்டியாக திகழ்கிறது. அவ்வழியிலேயே நாமும் இறை தத்துவம் உணர பயணிப்போம் என்று இக்கவி விளக்குகிறது.

-----

Thanks to photos: megapixl.com