Do not be jealous!

 பொறாமை வேண்டாமே!

பொறுக்க முடியாமையே பொறாமை

என்பார் தத்துவஞானி வேதாத்திரி.

பொறாமையே சினம்வஞ்சம் மூலமாம்.

வாழ்வின்நெறி பிறழந்து போகவேண்டா!

பொறுமை வாழ்வில்கற்க கவனாமாயிரு!

அவரவர்க்கு ஓர்வாழ்க்கை வினையினால்,

கூடுதல்குறை இருக்கலாம் பொதுவானது.

உன்குறைகள் சரிசெய்திட நீயேபொறுப்பு,

அதைமறுத்து பொறாமை செய்திடசரியோ?!

உனக்கான செயல்விளைவு தவறாகுமானால்

எங்கேதவறென்று ஆராய்ந்து திருத்தம்கொள்க!

உனக்குநல்லதாய் செய்திடபலன் கிடைத்திடும்.

விளக்கம்:

ஒரு மனிதர் தன் வாழ்க்கையில், இன்னொருவரோடு தன்னை, ஒப்பிட்டுப் பார்ப்பது தவறு. ஒரு குழந்தை வளரும்பொழுதே, அவன்/அவள் நன்றாக படிக்கிறாள் உனக்கென்ன? என்று திட்டி, குறை சொல்லியே, இந்த பொறாமை குணத்தை வளர்த்துவிடுகிறார்கள். இது ஆரம்பத்திலேயே முற்றிலுமாக தவிர்க்க வேண்டும். 

ஏனென்றால், அந்த சிறிய வயதிலேயே, அக்குழந்தை, இன்னொரு குழந்தைமீது பொறாமை கொண்டுவிடும். தன்னை மட்டம் தட்டி, பிறரை உயர்த்தி பேசி புகழும் பெற்றோரின் வார்த்தையினால் “பொறுக்க முடியாமல் பொறாமை” கொள்ள பழகி விடுகிறார்கள். வளர்ந்தபிறகும் கூட எதற்கெடுத்தாலும், அவரைப்பார், இவரைப்பார் என்று ஆலோசனை வழங்கிவருவதையும் நாம் காண்கிறோம். 

இந்த பொறாமைதான், மனதிற்குள் பொதிந்து புகையாகி, நெருப்பாக மாறிடும்பொழுது, சினமாக வெளிப்படும். சினத்தை வெளிப்படுத்தவில்லை என்றால் அது வஞ்சமாக மாறிவிடும். இதன் வெளிப்பாடு, இரண்டுபேருடைய வாழ்வையும் சிதறடிக்கும். அத்தகைய பொறாமையை எப்படி சரி செய்துகொள்வது என்று இக்கவிளக்குகிறது.

வாழ்க வளமுடன்.

-----

Thanks to Image by: aifs.gov.au