Everything sounds good!

எல்லாம் இனிதே!

என்னிடம் நாள்காட்டி இருக்கிறது,

அதுஎந்த நாளும் சிறப்பென்கிறது.

என்னிடம் கடிகாரமும் இருக்கிறது,

அதுஎந்த நேரமும் அற்புதமென்கிறது.

என்னிடம் பலதரப்பட நாளிதழ்கள்,

நாள்தோறும் நல்லசெய்தி தருகிறது.

மனம்மகிழ தொலைகாட்சி உண்டு,

பொய்புரட்டு செய்தினிகழ்வு இல்லை.

எத்தகைய திணிப்பும் கொள்வதில்லை.

என்னைச் சுற்றிஎங்குமே நல்லமனிதர்

நடப்பது எல்லாமென் வினைக்கழிவே!

விளக்கம்:

தவத்தில் உயர்ந்து ஒர் விழிப்பான இறை நிலை உணர்வு பெற்றுவிட்டால், நம்மைச்சுற்றி இருப்பதெல்லாம் நன்மையாகவே நிகழும். ஒரு சராசரி மனிதரின், குழப்பமான மன நிலை இருக்காது. எப்போதுமே இறையின் கருணை நம்மீது இருப்பதால், சந்தர்ப்ப சூழ்னிலைகளை பார்க்கும் பார்வையும் மாறிடும். இதனால் வாழ்வி இனிமையாகும்.

இரவு பகல், இருட்டு வெளிச்சம், நல்லது கெட்டது என்பது பிரித்தறியாமல், எது மிகச்சரியோ அதையே செய்ய மனம் விரும்பும். தனியாக நல்ல நேரம், நாள் பார்க்க கடிகாரமும், நாள்காட்டியும் தேவையில்லை. மனதில் குழப்பத்தை திணிக்கும், விளைவிக்கும் செய்தித்தாளிலும், தொலைகாட்சி நிகழ்ச்சிகளிலும் மனம் தடுமாறாது. அல்லது அவற்றில் ஆர்வமின்றியும், தேவையின்றியும் போய்விடும்.

பார்க்கும் இயற்கை, பொருள், விலங்குகள், மனிதர்கள் எல்லாமே இறையின் பரிணாமமாக உணர்கையில், அவர்களிடம் நாம் எப்படி விழிப்புணர்வோடு இருப்பது என்ற விளக்கமும் கிடைக்கும். அதோடு ஏதும் தவறு நமக்கு நிகழுமானால், அது நம் வினையின் ஓர் கழிவே என்ற விளக்கமும் கிடைக்கும். இத்தகைய உண்மைகளை இந்தக்கவி தருகிறது

வாழ்க வளமுடன்.

-----

Thanks to Image by: pexels and @Lucas Fonseca