Get peace and prosperity

 நிம்மதியும் நிறைவாழ்வும் பெற!

பொருள் தேவைமிகுந்த இக்காலத்தில்

அருள் தேடத்தகுந்த காரணமில்லை

என்றே பொதுவான கருத்தாயிருக்கும்.

பொருள் எல்லாமோடுமோ அருள்தேடிட?

காரணம் ஏதுமில்லை எல்லாம்பொய்யே!

அருள்கூட இன்னும் முகஜெகவசியமாகும்,

யாருக்கும் இனியதாய் உண்மையாயிருக்க

உலகில்தன் புகழ்செல்வாக்கு உயர்ந்திடும்!

எச்செயலும் பலனிக்கும் நிம்மதிதரும்!

கூடுவார் ஒற்றுமையாய் நிறைவாழ்வே!

விளக்கம்:

இன்றைக்கு 2052 (2021)  ஆண்டுகளுக்கு முன்பே, திருவள்ளுவர், அருள் இல்லார்க்கு அவ்வுலகமில்லை, பொருள் இல்லார்க்கு இவ்வுலகமில்லை என்று விளக்கம் அளித்துள்ளார். காலம் மாறிவிட்டாலும், இக்கருத்து இன்னமும் உயிர்ப்போடு இருக்கிறது. நாம் வாழும் இந்த உலகில், பொருள்முதல்வாத நிலையே (Materialistic World) முதன்மையாக இருந்துவருகிறது.

குழந்தைகளையும், வயது முதிர்ந்த பெரியவர்களையும் கூட விட்டுவைக்கவில்லை. அணுவியல், அறிவியல் வளர்ந்த இந்த உலகில் யாருமே “ஓய்வு இன்றி” உழைத்தாக வேண்டும் என்ற கட்டாயம், நிர்பந்தம் வந்துவிட்டது. இதனால் மகிழ்ச்சி, மன நிறைவு, நிம்மதி இழந்து தவிக்கின்றனர் என்பதும் உண்மை.

பொருள் வேண்டும் ஆனால் பொருள்மட்டுமே போதும் என்ற எண்ணத்தை நாம் மாற்றிக் கொள்ள வேண்டும். அருள்துறைக்கு (Spiritualistic World)வந்தால் பொருளை இழந்துவிடுவோம் என்ற “பொய்க்கதை” மலிந்துகிடக்கிறது.

ஆனால், அருள்துறைக்கு வந்துவிட்டால், முதலில் கிடைப்பது நிம்மதி, பிறகு நல்லோர் நட்பு, யாவரும் அன்போடு பழகும் தன்மை, தன் நற்செயல்களால் நிலையான புகழும், செல்வாக்கும் கிடைக்கும். இந்த உலகில் நாம் வாழ்த்தான் வந்திருக்கிறோமே தவிர, உழைக்கவும், சம்பாதிக்கவும், பொருள்சேர்க்கவும் மட்டுமே அல்ல என்ற உண்மையை நாம் புரிந்துகொள்ள வேண்டும் என்று இக்கவி விளக்குகிறது.

வாழ்க வளமுடன்.

-----

Thanks to Image by: Google and its copyrighted owners