The Peace Exist

அமைதியில்தான் இருக்கிறீர்கள்!

என்றாகிலும் பொதுவாய் நிம்மதியில்லை

என்றேநீ  புலம்புவாயானால் இன்னமும்நீ 

எதுநிம்மதி என்றேகூட புரியாதிருக்கிறாய்!

என்னிடம் கொஞ்சம் பாடமிருக்கிறதுகேள்!

தரையில் பதிந்தசிறுகல் தடுக்கிவிழுந்தால்,

காய்கறி வெட்டுகையில் விரல்வெட்டினால்,

வாகனம் ஒட்டிசாலையில் வாறிவிழுந்தால்,

கதவுநிலை அறியாமை முட்டிக்கொண்டால்,

ஒவ்வாதுணவு அளவுமீறி உட்கொண்டால்,

காலநிலை அறியாது குளிருணவுசாப்பிட்டால்,

கையில் இருந்தபணம் பறிகொடுத்தால்,

இதுபோதும் இன்னும் சொல்வேன்எனவே,

இதற்குமுன்னம் நீஇருந்த நிலையேநிம்மதி!

விளக்கம்:

வாழ்க்கையில் நிம்மதியே இல்லை - இந்த வசனத்தை அடிக்கடி நாம் கேட்டிருக்கிறோம் அல்லது நாமே அதை சொல்லியும் இருக்கிறோம். உண்மையாகவே நம் வாழ்க்கையில் நிம்மதி இல்லை என்றா நினைக்கிறீர்கள்? சற்று சிந்தித்துப்பார்த்தால், இப்போது இருக்கும் இந்த நிலையே நிம்மதிதான் என்பதை உணர்வீர்கள். அப்படி இல்லை என்கிறீர்களா? சரி, தலைக்கு வந்தது தலைப்பாகையோடு போனது என்று எண்ணிக் கொள்ளுங்களேன். 

ஆனால், எல்லோருமே தன்னிடம், இப்பொழுது இருக்கும் நிம்மதியை உணராமல், எங்கோ ஓரிடத்தில், ஒருவரிடம் நிம்மதி இருக்கிறது, அதை நான் பெற்றுக் கொள்வேன் என்று சொல்லியே, நிம்மதி இழந்து தவிக்கின்றனர்.

எது நிம்மதி? இதற்கான உண்மையை சொல்லுவதற்காக, இந்தக்கவி விளக்கங்களை அளிக்கிறது.

வாழ்க வளமுடன். 

-----

Thanks to Image by: @Jeffery Erhunse