Until the rotation stops!

சுழற்சி நின்றுவிடுவதற்குள்!

சுழற்றிவிட்ட பம்பரம் போலவே,

பிரபஞ்சத்தில் எல்லாம் சுழலும்.

சுழல்வேகம் மாறுபடும் தனியே,

தொடராது எப்போதும் சுழற்சி. 

எதுவாகவே இருந்தாலும் நின்றிடும்,

தனக்குள் விரைந்த சக்தினீர்த்தால்.

விரைவுக்கு உட்பட்ட காலத்தில்

ஏதேனும் நன்றாய் செய்திடுக!

ஊருக்கும் நாட்டிற்கும் உலகுக்கும்!

விளக்கம்:

இந்த பிரபஞ்சத்தில் எல்லாமே இயங்கிக் கொண்டிருக்கிறது. இன்னும் சொல்லப்போனால், இந்த பிரபஞ்சமே இயங்கிக்கொண்டிருக்கிறது. எதனால்? இறையின் ஆற்றலால், இறைக்குள்ளாக! அத்தகைய இறையை குறிப்பிட்ட வரையறைக்குள் மனிதன் அடக்கிக் கொள்வது அர்த்தமற்றது. 

சுழலுகின்ற எதுவானாலும், அதன் சுழல் விரைவு குறைந்தால் நின்றுவிடும் அல்லது முழுமைக்கு திரும்பிடும். ஒரு சுழற்றிய பம்பரம் சுற்றி பிறகு நின்று, தரையில் விழுவதைப்போல. இதை புரிந்துகொண்டு, சுழன்றுகொண்டிருக்கின்ற அல்லது வாழ்ந்து கொண்டிருக்கிற காலத்தில், தனக்கும் பிறருக்கும், மனதாலோ, உடலாலோ வருத்தம் ஏற்படுத்தாத நிலையில் வாழ வேண்டும், துன்பப்படுவோருக்கு உதவியோ, நன்மையோ செய்யவேண்டும். அந்த வழியில் ஊரும், நாடும், உலகமும் உயரும். இப்படியாக இக்கவி விளக்குகிறது.

-----

Thanks to Image to: Facebook