God is hidden!

இறை மறைந்துள்ளது! 

எண்ணம் போல வாழ்வுஎன்பார்

மனம்தான் எல்லாம் காரணமென்பார்

ஆனால் சொல்லாக பேச்சாகஅன்றி

ஆராய்ச்சி செய்திட மாட்டார்கள்.

கையிலே வெண்ணை, அலைவர்நெய்க்கு!

அதுஇரண்டும் மோரிலே உண்டுதான்,

அதற்குமுன்னே பாலிலும் உண்டுதானே!

எண்ணம்மனம் ரெண்டிலும் இறைஉறைந்துளது!

தேடுவோர்க்கு கிட்டும் ஆராய்ச்சியால்.

அவ்வாராய்ச்சிக்கு வழியே அகத்தவம்!

விளக்கம்:

இறை எவ்வாறு எண்ணத்திலும், மனதிலும் மறைபொருளாக உள்ளது என்பதை அகத்தவத்தால் அறியலாம். பொதுவாழ்க்கையில், எண்ணம், மனம் என்பன பற்றி பேசாதோர் யாரும் இல்லை. எப்படியாயினும் ஏதேனும் ஒரு சூழலில் சொல்லிக்கொள்வார்கள். ஆனால் அதை ஆராய்ச்சி செய்ய மாட்டார்கள். யோகத்தின் பக்கம் திரும்பிக்கூட பார்க்க மாட்டார்கள்.

பாலை உறைகுத்தினால், தயிராகும், தயிரை நீராக்கினால் அது மோர், மோரை கடைந்தால் வெண்ணை கிடைக்கும், வெண்ணையை காய்ச்சினால் நெய்யாகும். இவர்களுக்கு வெண்ணை எப்படி கிடைக்கும் என்பது தெரியும். அதுதான் நெய்யாகிறது என்பது தெரியாது, மேலும் அதற்கு மூலமான “பால்” குறித்து  எதுவுமே தெரியாது என்பதுபோல இருக்கிறது என்று இக்கவி விளக்கமளிக்கிறது. 

-----

Thanks to Image by: @nutritioninsight