Not wrong but have a duty!

தவறல்ல ஆனால் கடமை உண்டு!

இயற்கை தூண்டுதலே அன்றி

வேறெதும் பாவம் ஏதுமில்லை

ஒர்ஜீவன் தன்னை பிரதியெடுக்க

ஆணோடு பெண் கலக்கவைக்கும்!

இயல்பே ஐஉயிர் வகைவரை!

மனிதராம் நாம் உயர்ந்தோர்,

வருங்காலம்  அதை கருத்தில்கொண்டு,

புதியஉயிர் காத்து வளர்க்கும்

பொறுப்பாய் திருமணம் அமைத்தோம்!

இன்பமே என்றே நினைத்துமீறி

வழிமாறினால் வாழ்கையும் தடமாறிடும்!

திருத்தமுடியா தீர்வுஇது கவனம்!

விளக்கம்:

காமம், உடலுறவு, ஆபாசம் என்று நாம் வகைப்படுத்தும் எண்ணங்கள் எல்லாமே இயற்கை தூண்டுதலே. இது பாவம் என்று சிலர் சொல்லுவார்கள். பாவம் பார்த்தால் இந்த உலகம், இன்றுவரை பல்கி பெருகி இருக்குமா? இந்த இயற்கை தூண்டுதலின் முக்கிய அம்சம், தன்னை பிரதி எடுத்து உலகில் வாழ்தல் என்பதே ஆகும். இந்த உலகில் உயிர் வாழ்தலை நீண்ட வரலாறாக மாற்ற, இயற்கை எடுத்த முடிவு அது. இதன் அடிப்படையில்தான் ஆண் பெண் உடலுறவும், புதிய உயிர் உருவாவதும் நடக்கிறது.

இவை ஓர் அறிவு முதல் ஐந்து அறிவு வரை மிகச்சரியே. ஆனால் மனிதர்களாகிய நாம் அப்படி இருந்துவிட முடியாது. ஒரு ஆணும் பெண்ணும் கலந்தால், அதனால் ஏற்படும் விளைவை இருவருமே ஏற்றுக்கொள்ள வேண்டும். இன்பம் மட்டும் போதும் என்ற நிலையில் கலப்பது சரியல்ல. அது அவர்களுடைய வாழ்வை கெடுத்துவிடும், பழி சேர்த்துவிடும், திருத்தவே முடியாத தீர்வை வழங்கிவிடும்.

எனவேதான் பெரியோர்கள், திருமணம் என்ற அமைப்பை உருவாக்கினார்கள். இந்த வழியில் ஏற்படும் விளைவை, ஒரு புதிய உயிரை, குழந்தையை இருவருமே ஏற்று வளர்த்து ஆளாக்க சம்மதம் தெரிவித்து வாழ்க்கையில் இணைந்து கொள்கிறார்கள். இந்த முறையில்தான் மற்றவர்களின் உதவியும் கிடைக்கும், சமூகமும் உதவும் என்று இந்தக்கவி விளக்கமளிக்கிறது. 

வாழ்க வளமுடன். 

-----

Thanks to Image by: nationaltoday.com