Shiva and Krishna

சிவனும் கிருஷ்ணனும்!

சிவத்தை தியானம் என்பார்

கிருஷ்ணனை வாழ்க்கை என்பார்

முன்னது சிவ நிலையாம்

பின்னது சக்தி நிலையாம்

அசைவற்று இருப்பது சிவமே

அசைந்தாடி இருப்பது சக்தியே

உருவமற்று சிவ நிலையுணர,

உருவோடு சக்தி உணரஞானம்!

விளக்கம்:

இறை விளக்கத்தை இந்த உலகுக்கு தந்த சித்தர்களை, ஞானியர்களை, மகான்களை நாம் நினைந்து. வணங்கி போற்ற வேண்டும். இறை விளக்கம் பெறாமல் மனிதனின் வாழ்வு முடிவடைவதில்லை. இந்த விளக்கம் பெறவே மனிதப் பிறப்பு நீண்டுகொண்டே போகிறது. வாழும் இப்பிறவியில் உண்மை உணர்ந்து, விளக்கம் பெற்றுவிட்டால், பிறவியின் நோக்கம் நிறைவேறுகிறது. அவனுக்கு “வீடுபேறு” என்னும் முழுமை கிடைத்து விடுகிறது. 

இறை விளக்கம் தடம் புரண்டு, பக்தி மார்க்கமாக மாறிட, சிவன் என்றும், கிருஷ்ணன் என்றும், பிரிவுகளாக மாறிவிட்டது. மூலம் நோக்கினால், சிவனை முதல் நிலையாக, அசையாத நிலை என்றும், கிருஷ்ணனை இரண்டாம் நிலை, அசையும் நிலையாக என்றும் அமைகிறது. அசையா நிலை தியானம், அசையும் நிலை வாழ்க்கை என்று அர்த்தமாகிறது.

ஆனால் யோக மார்க்கத்தில் இருப்பவர்கள், எந்த நிலைக்கும் உருவத்தை எடுத்துக்கொள்ளக் கூடாது. உருவமற்ற நிலைக்கு உயர்ந்தால் மட்டுமே, சிவத்தை புரிந்துகொள்ள முடியும். உருவமாக இருப்பதை சிவத்தின் அசையும் (கிருஷ்ண)  நிலை என்றும் புரிந்துகொள்ள ஞானம் கிடைக்கும் என்று இந்தக்கவி விளக்குகிறது.

-----

Thanks to Image by: wikipedia