Welfare is important!

மக்கள் நலனே முக்கியம்!

உலகில் மக்கள் மதிப்புற்றோர்

தரத்தில் கீழாக இருப்பதறிவோம்

மதிப்பு வந்தநிலை எதுவானாலும்

வாழும்தரமே ஒருநாள் சாய்த்துவிடும்

எத்தனை செல்வம்வீடு சேர்த்தாலென்ன?

மனைவி மக்கள்துணை இருந்தாலென்ன?

அத்தனையும் பயனின்றி போய்விடுமே!

மக்கள்நலன் சாராத வினையாற்றினால்!

விளக்கம்:

நாம் வாழும் சமூகத்தில், உயர்ந்த தலைவர்களாக இருப்பவர்களை நாம் அதிசயித்து பார்ப்போம். ஏனென்றால் அவர்கள் அந்நிலையில் இருந்தும் கூட, முறையற்ற, சட்டத்திற்கு புறம்பான செயல்களை செய்வதை அறிகிறோம். அதிலிருந்து தன் பொருள், செல்வாக்கு, புகழினால் தப்பித்துக் கொள்வதையும் நாம் காண்கிறோம்.

அந்த உயர்வுக்கு வர, முன்வினைப்பயன், அவர் பரம்பரை, தாய்தந்தை, இறை அருள், அப்படி இப்படி என்று எது துணையாக இருப்பினும் அவர்களோ, நாமோ கூட அதை நம்ப மறுப்போம். ஆனால் இப்படி மதிப்பு மிக்க நிலையில் இருப்போர், எந்த வகையிலாவது, மக்கள் நலனில் அக்கறை செலுத்தி, மக்களின் நல்வாழ்வுக்கு உதவுவார்கள் என்றால் மட்டுமே அவர்கள் வாழ்வு பிற்பகுதி சிறக்கும், புகழ் நிலைக்கும். 

இல்லையேல், எத்தனை பொருள், வசதி, வீடு சேர்த்ததும், மனைவி, குழந்தைகள் துணை இருந்தாலும் எல்லாமே பயன் தராது, அவர்களை விட்டும் அகன்றிடும். இதற்கு உதாரணமாக, வரலாற்றில் நாம் நிறைய பார்த்தும் இருக்கிறோம். இனி பார்க்கவும் போகிறோம். இவ்வாறாக இக்கவி விளக்கமளிக்கிறது.

வாழ்க வளமுடன். 

-----

Thanks to Image by: Internet