When will you ask yourself?

எப்போது உன்னையே கேட்பாய்?

உன் தேவையை

உனக்கு வேண்டியதை

உனக்கு நல்லதை

நீ கேட்டதை

நிறைவேற்றும் பெற்றோரும் மற்றோரும்

இருக்கும்வரை உனக்கேதும் குறையில்லை.

உன்பொருட்டு பழியெல்லாம் ஏந்துவார்

உன்நலம் பெரிதெனும் அன்புக்கருணையால்.

நீயாகவே தேவையை, 

வேண்டியதை, நல்லதை, விரும்பியதை

நிறைவேற்றும் காலமே

உன்னைநீ அறியும்காலம்!

விளக்கம்:

நான் யார்? என்ற உள்முக ஆராய்ச்சித் தேடல் உடனடியாக வந்துவிடாது. “யாராக இருந்தால் என்னாய்யா? பிறந்தேன், வளர்ந்தேன், வாழ்ந்தேன், சாகப்போகிறேன் அவ்வளவு தானேயா?! எல்லாருமே அப்படித்தானே. இதென்ன பெரிய யார் என்கிற ஆராய்ச்சி... சுத்த மோசடி வித்தை” என்று சொல்லுவார்கள். காரணம் என்ன?

அவர்கள் வாழ்வில், அவருடைய விருப்பங்களை நிறைவேற்ற பலர் இருப்பார்கள். உண்மையில் அந்நிலை, வாழ்வியல் தோற்றத்தில் சிறப்பு என்றாலும், அது உண்மையில்லை. அந்த மனிதருக்கு, அவருடைய காலம் முழுதும் உதவி கிடைக்கும் என்றால், நான் யார்? என்ற கேள்விக்கு வாய்ப்பே எழாது. அது தெரியாமலே இறந்தும் போவார். ஒரு குழந்தையை தாய் பராமரிப்பதற்கும், யாரோ ஒருவர் பராமரிப்பதற்கும் உள்ள வித்தியாசம் அது. 

ஒரு மனிதர் தனக்குத்தானே தன் கடமையை செய்யும் பொழுதான், அந்த நிலைக்கு வரும்பொழுதுதான், தன்னைப்பற்றிய அறிவும், தான் யார் எந்த சிந்தனையும் மலரும் என்று இக்கவிதை உண்மை நிலை விளக்குகிறது

-----

Present by:

Thanks to Image by: dreamstime