Do not Blame!

 பழி போடாதே!

தனியனாய் நின்று காலூன்றும்

தகுந்தியுனக்கு வந்த பிறகுஎது

உனக்குகென்று பொருந்த வழிசெல்ல

உயர்வும்தனி மதிப்பும் தந்திடுமே!

சிந்திக்கும் திறனின்றி பிறர்காட்டிய

வழிநடத்தல் உதவும் எனினும்கவனம்!

தடுமாறும் நேரம் கற்றுத்தெளிக.

எந்தவழியே ஆனாலும் உன்முடிவே

ஏற்றமிறக்கம் தருமெனில் இறையெங்கே?!

விளக்கம்:

உலகில் வாழும் எல்லா மனிதருக்கும், வாழ்வை நடத்த உழைக்க வேண்டியது அவசியம். குழந்தைகளும், சிறுவர்களும், முதியோர்களும் விதிவிலக்கு. இளைஞர்கள் வேலையோ, தொழிலோ, வியாபாரமோ செய்து பொருளீட்டுவது முதன்மையானது. 

தன் திறமைக்கும், தகுதிக்கும், ஆற்றலுக்கும் எது பொருத்தமோ அதை இயல்பாக செய்துவருதலே நல்ல முன்னேற்றம் தரும். அல்லது பிறர் காட்டும் வழியில் அதைச் செய்து உயரலாம். எனினும் குறைகள் நேர்ந்தால் அதற்கு அவரை குறை சொல்ல முடியாது.

ஏற்படும் தவறுகளை ஆராய்ந்து, சிந்தித்து இனி இத்தவறு நேராமல் பார்த்துக் கொள்வேன் என்று உறுதி எடுத்து திருத்திக்கொள்ள வேண்டும். 

மேலும் தோல்வியோ, இழப்போ நேர்ந்தால் என் முடிவினால்தான் இத்தவறு, இனி திருத்திக் கொள்வேன் என்று நம்பிக்கை கொள்ள வேண்டுமே தவிர, “கடவுளே!” உன்னை துணையாக நினைத்தேனே, இப்படி ஏமாற்றிவிட்டாயே என்று புலம்பி வருந்ததுதல் முறையல்ல. 

வாழ்க வளமுடன்.

-----

Present by:

Thanks to Image by: bigstock