Solution to the problem

 பிரச்சனைக்கு தீர்வு

ஓவ்வொரு நாளும் ஓர்பிரச்சனை

சிக்கித் தவித்தல் உலகியல்பாடு.

காரணம் அறிய சிந்தித்தால்

நாமே இங்கே உருவாக்கியதே!

தீர்வுகாண வழிஏதும் உண்டாவெனில்

தினமும் நம்செயல் சிந்தித்தேசெய்க!

பயனும் விளைவும் யூகித்தறிக.

இதுவரை செய்த செயல்தவறை

இரவில் அமைதியாய் ஆய்ந்தறிக!

அடுத்தும் இதுநடவாதென உறுதிகொள்க!

விளக்கம்:

உங்களுக்கு ஏதேனும் பிரச்சனையா? என்று கேட்டால், ஓவ்வொருவரும் ஒரு மூட்டை பிரச்சனைகளை நம்மிடம் கொட்டிவிடுவார்கள். யாருக்குத்தான் பிரச்சனை இல்லை என்றே புலம்புவார்கள். இந்த பிரச்சனைகள் எப்படி உருவாகின என்று பார்த்தால், நம் தேவையின் பொருட்டு நாமே ஏற்படுத்திக் கொண்டவைதான் என்பதில் சிறிதும் ஐயமில்லை. ஆனால் நாம் என்ன நினைக்கிறோம் என்றால், இது இன்னொருவரால்தான் எனக்கு வந்தது என்று நம்புகிறோம். 

இத்தகைய பிரச்சனைகளுக்கு தீர்வு உண்டா? உண்டு. ஒவ்வொரு செயலையும், அதன் பயன் மற்றும் விளைவை யோசித்து அணுகி, செயல்படுத்தினால், தப்பிக்கலாம். இந்த தீர்வை நோக்கி பயணிக்க அல்லது பழகிக்கொள்ள ஒர் வழி உண்டு.

தினமும் இரவில், தூங்கப்போகும் முன்பு, அன்று நடந்த செயல்களினால் ஏற்பட்ட, பயன் விளைவுகளை ஆராயலாம். எங்கே தவறு நடந்தது என்று சிந்திக்கலாம். ஏன் அத்தகைய தவறு நிகழ்ந்தது என்று கேள்வி கேட்டு அதை ஆராயலாம். அடுத்தபடி இதுபோல எதும் நடக்காதவாறு எச்சரிக்கையாக இருந்து செயல்படுவேன் என்று உறுதி எடுத்துக்கொள்ளலாம். அதன்படி நடந்து, எந்த பிரச்சனைகளும் இல்லாதவாறு வாழலாம் என்று இந்தக்கவிதை பயிற்சி விளக்கம் அளிக்கிறது.

வாழ்க வளமுடன்.

-----

Present by: