Act with vigilance!

 விழிப்புடன் செயல்படுவீர்!

எண்ணம் சொல் இவையில்லாமல்

செயல் வடிவம் பெறுவதில்லை

எண்ணமோ தனதும் பிறரதுமாகும்!

சொல்லும் செயலும் தனதேயாகும்

விளைவு அறிந்தே விதைத்திட்டால்

விளைந்து விருட்ஷமாய் பலன்தரும்

ஆனால் விளைவோ உன்னதில்லை!

ஏற்புத் தகுந்தால் இன்பமுண்டாம்

எற்பில்லை என்றால் துன்பமேஆகும்!

செயலைக் காப்பீர் விழிப்புடனே

முன்னமே எண்ணம் சொல்லோடும்!

விளக்கம்:

“நான் நல்லதுதாங்க நினைச்சேன் ஆனா இப்படி ஆகுமென்னு தெரியாது!”  என்பது மனிதர்களின் அன்றாட புலம்பல் ஆகும். அந்த நினைப்பு அதாவது எண்ணம் எழும்பொழுதே, அந்த எண்ணம் ஏன் எழுந்தது? எப்படி இது செயல்படும்? இதன் விளைவு என்னவாக இருக்கும்? எனக்கு துன்பம் வருமா? பிறரை வருத்துமா? எனக்கும் பிறருக்கும் இந்த சமூகத்திற்கும் நன்மை தருமா? என்று முன்கூட்டியே சிந்தித்து, அந்த எண்ணப்படி செயலாக்கமோ அல்லது தள்ளிவைத்தலோ அல்லது விட்டுவிடுதலோ நல்லது.

அந்த வாய்ப்புக்களை விட்டுவிட்டு, நான் நினைத்தேன் செய்தாக வேண்டும் என்று செயல்பட்டால் அதன் விளைவை நாம் அனுபவித்தே தீர வேண்டும். பொதுவாக நமக்குள் எழும் எண்ணம், நம் மூலமாகவும் வரும், பிறரின் கருத்துக்கள் மூலமாகவும் வரலாம். அந்த எண்ணத்தை, சொல்லாலும், செயலாகவும் வெளிப்படுத்துவது நாம் மட்டுமே.

ஆனால் விளைவு என்பது, நம்மிடம் இல்லை. அது அந்த செயலுக்குள்ளாக எப்போது மறைந்தேதான் இருக்கும். சாதகமா பாதகமா என்பது முன்கூட்டியே முழுதாக சொல்லிட முடியாது. நல்ல விளைவைத்தரும் என்பது உறுதியானால் மட்டுமே அதை செயலுக்கு கொண்டுவரலாம். அப்படியான விளைவு நமக்கும், பிறருக்கும் நன்மை அளிக்கும்.

இதனால், எந்த செயலை செயல்படுத்துவதாக இருந்தாலும், அதற்கு முன்பாக எண்ணத்தை சிந்தித்து ஆராய வேண்டும், சொல்லை சிந்தித்து வெளிப்படுத்த வேண்டும் என்ற பழக்கத்தை ஏற்படுத்திக்கொள்வது நல்லது என்ற கருத்தினை, இந்தக்கவிதை விளக்குகிறது.

வாழ்க வளமுடன்.

-----

Present by: