Be friendly with the body!

 உடலோடு நட்பாக இரு!

உடலை காப்பதில் கவனம்வேண்டும்

உடலின்றி ஏதுநாம் வாழுமிவ்வுலகம்

உடலாக வந்ததுதெது உணவேஎனினும்

உடலுக்கு ஏற்றதொரு உணவேதேவை

உடல்மறுக்கும் ஏதொன்றும் செய்யலாகா!

உடல்கூறும் மறுமொழி உற்றுக்கேட்டு

உடலேதும் வருத்தாத செயலோடுவாழ்!

உடலினை பேணிகாக்க துன்பமேது!

உடலோடு உயிர்மன இணைப்பேநாம்

உடலில்லாது ஏதுஇறை விளக்கம்பெறல்!

விளக்கம்:

இந்த உலகில் நாம் வாழ்கிறோம். இதற்கு காரணம் நம் பெற்றோர்கள், நல்வாழ்வில் இணைந்தார்கள். அவ்வழியில் தாய், நம்மை உடலோடு உயிராக்கி காத்து பெற்றெடுத்தாள். உணவாக அவளே இருந்தாள். பிறகு உணவு ஊட்டி, நோய், நொடி ஏதுமின்றி காத்து வளர்த்து ஆளாக்கினாள்.

அப்படி மிக மதிப்பு வாய்ந்த, நமக்கு கிடைத்த உடலை பாதுகாப்பது என்பது குறித்து இந்தக்கவிதை நமக்கு விளக்குகிறது.  உடலின்றி இந்த உலகவாழ்வு நமக்கு இல்லை என்பதை நாம் அறிவோம். இந்த உடல், குழந்தையாக இருந்து, ஒரு ஆளாக வளர்ந்து நிற்கும் வரை உணவின் பங்கு அதிகமே. ஆனாலும், உடலுக்கு எற்ற உணவுதான் உண்ணவேண்டும்.

உடல் ஏற்றுக்கொள்ளாத எதையும் செய்து உடலை பாழ்படுத்தக் கூடாது. சில நேரம் தனக்கு ஒவ்வாமை என்பதை உடலே சொல்லும் என்பதும் உண்மையே. அதுபோல, உடலை வருத்தும் செயலையும் செய்யக்கூடாது.  அப்படி உடலை காத்துக் கொண்டால்தான் நன்மை ஆகும்.

மேலும், இந்த உடல், உயிர், மனம் இந்த மூன்றின் கலவைதான் நாமாக இருக்கிறோம் என்பதை உணரவேண்டும். நாம் இந்த பிறவி எடுத்ததின் உண்மைக் காரணமான இறை என்பது யாது? நான் யார்? என்ற தேடலைப் பெற உடல் மிக முக்கியமானது அல்லவா? உடலின்றி எப்படி அறியமுடியும்?

வாழ்க வளமுடன். 

-----

Present by: