Correction is as punishment!

 திருத்தமே தண்டனை!

தண்டனை என்பது திருந்து வாழ்வதற்கே

துன்பம் என்பதும் திருந்தி வாழ்வதற்கே

செய்தது தவறு என்றே அறிந்துணர்ந்து

திருத்தம் பெற்று வாழவே வகைசெய்தல்

தண்டனை திருத்தம் அறவே இல்லையானால்

உலகில் எல்லோர் வாழ்வும் தறிகெட்டோடும்

வலியது வாழும் என்பதே நிரந்தரமாகிடும்

எளியோர் வாழ்வு முடிவுற்றுலகு கொடூரமாகும்.

விளக்கம்:

தவறு செய்தால் தண்டனை அல்லது துன்பம் என்ற நீதி முறை இயற்கையிலேயே அமைந்திருக்கிறது. உதாரணமாக, உணவு ருசியாக இருக்கிறது என்பதற்காக, அளவை மீறி, கூடுதலாக சாப்பிட்டால், உடனே உணவு செரிமானம் தடைபடுகிறது. வயிறு கனமாகிறது. ஏப்பம் வந்து விடுகிறது. உட்காரவோ, தூங்கவோ, வேலைபார்க்கவோ முடிவதில்லை, இதுவே துன்பம் அல்லது தண்டனை என்றாகிறது. இதை ஏற்றுக்கொண்டு அடுத்த முறை கவனமாக, அளவோடு உணவு எடுத்துக்கொண்டு திருத்தினால் தண்டனையோ, துன்பமோ இல்லை. இந்த முறையைத்தான் அரசாங்கமும் செய்கிறது.

எனவே தண்டனை அல்லது துன்பம் தவறு செய்தவர்களை திருத்தவே பயன்படுகிறது. இந்த தண்டனையும், துன்பமும் இல்லை என்றால், உலகில் மனிதர்களின் வாழ்வு சிதறிவிடும். யார் வலிமையாக, புத்திக்கூர்மையாக, பிறரை ஏமாற்றும் வித்தை தெரிந்தவனாக இருகிறார்களோ அவர்கள் மட்டுமே வாழ்வார்கள். எளியோர் வாழ வழியின்றி துன்பத்தில் உழன்று இறந்து மடிவார்கள். பின்னாளில் வலிமையானவர்களுக்குள்ளும் சண்டை நிகழும், அதிலும் பலர் அழிந்துவிடுவார்கள். இப்படியே நிகழ்ந்தால், ஒரே ஒரு மனிதன் தான் இறுதியாக மிஞ்சுவான். அப்படியான கொடூரம் நிகழ்ந்து, மனித வாழ்வே முடிவுக்கு வந்துவிடும் என்ற உண்மையை இக்கவிதை விளக்குகிறது!

வாழ்க வளமுடன்.

-----

Present by: