Don't be a debtor in search of Money

 பொருள் தேடி கடனாளி ஆகாதீர்! 

தேவை மூன்றான உணவுஆடை

இருப்பிடம் இவற்றோடு பணம்,

தானாக சேர-சிக்கலும் சேர்ந்தது!

மனிதர்தன் உழைப்பால் பெற்றதுமீறி

ஏமாற்றி சேர்த்திடவே ஆரம்பித்தார்!

உலகில் ஏழைபணக்கார பேதமாயிற்று!

இருப்பதை பிடுங்குதல் நியாயமன்று!

தண்டனை எதுவோ காலம்வழங்கும்!

விலகிடுவீர் அத்தகைய மனிதர்நட்பை!

ஏழ்மை அதைஅகற்றிட திட்டமிடுவீர்

மாற்றுவழி தேடியேகடனாளி ஆகாதீர்!

இதற்கோர் வழியுண்டு எளிமையாய்,

தேவையது குறைத்து வீணதுவிலக்கி

இருப்பதில் நிறைவாய் வாழப்பழகுவீர்!

விளக்கம்:

இன்றைய காலகட்டத்தில், ஓவ்வொரு குடும்பத்திலும் பொருளாதார பாதிப்பு, வேலையின்மை, தொழில் பாதிப்பு, பணம் பற்றாக்குறை என்று பல சிக்கல்கள். கரோனா நோய்தொற்றுக்கு முன்னதாகவும் இப்படியான சூழல் இருந்தது என்பது உண்மை. இதற்கான காரணம், மனிதனின் தேவைகள் எண்ணற்ற வகையில் பெருகிவிட்டதுதான் காரணம்.

ஒரு மனிதனின் அடிப்படை தேவைகள் என்ன? பசியாற உணவு, உடுத்தும் ஆடைகள், இயற்கை சீற்ற, விலங்குகள் தாக்காத வசிப்பிட வீடு ஆகிய மூன்றே. ஆனால் கால வளர்ச்சியில், பணம் நுழைந்து, அடிப்படையான மூன்றைக்கூட பெற இயலாத நிலைக்கு மக்களை மாற்றிவிட்டது.

உழைத்தால் பணம் பெறலாம் என்ற நிலை மாறி, பிறரை ஏமாற்றி பணம் சேர்க்கலாம் என்ற மனிதர் கூட்டம் அதிகமாகிவிட்டது. இதனால் உலகெங்கிலும் ஏழை பணக்கார ஏற்றத்தாழ்வுகள் நிரந்தரமாகிற்று. அப்படியான பணக்காரர்களின் செல்வத்தை பிடிங்கி பகிர்ந்தளிப்பது என்று சிலர் ஆயத்தமாகி, அதுவும் பலனளிக்கவில்லை. பிடுங்குதல் நியாயமில்லை, அவர்களுக்கான தண்டனையை காலத்தால் ஆளும் அரசு அல்லது காலம் வழங்கும். இருக்கும் நிறைய ஏழைகளுக்கு அப்படி பகிர்தலும் உதவாது. 

ஏழைகள், பணக்கார்களைச் சார்ந்து இருப்பதை மாற்றிக் கொண்டாக வேண்டும். ஏழ்மை போக்க என்ன வழி என்று தன் அறிவாற்றல் கொண்டு சிந்திக்க வேண்டும். பணக்கார்களிடமே கடன் வாங்கி சிக்கிட கூடாது. தன் தேவைகளை குறைத்து, வீண் செலவு, பொருட்களை குறைத்து எளிமையாக, நிறைவாக வாழ்வதற்கு வழி உண்டு, அதை செயலாக்க வேண்டும் என்று இந்தக்கவிதை விளக்கம் அளிக்கிறது.

வாழ்க வளமுடன்.

------

Present by: