Don't find fault, you stay awake!

 குற்றம் காணாதீர், நீ விழித்திரு! 

எளிமையாக இருந்த தத்துவத்தை

விளக்கிச் சொல்லியும் ஏற்காதநிலை

ஓரளவி விளங்கியோர் திட்டம்தீட்டி

ஒரேஅத் வைத்தை இரண்டுமுன்றாய்

பிரித்தே இறைக்கு குறுக்கேனின்றார்

உனக்கே உதவுவேன் என்றேகூறி

பணம் பொன்பொருள் பறித்தாரே!

இன்றும் கூடதீரவில்லை இவ்வார்வம்!

விழித்து எழுகுறைசொல்லி ஆவதில்லை!

உன்னை இணைக்க ஒரேவழியோகம்!

விளக்கம்:

மனிதன் பரிணாமத்தில் உருவாகி வாழும் காலமுதற்கொண்டே, நான் யார்? என்னை படைத்தவன் யார்? இயற்கை என்பது என்ன? என்று பலவகையான சிந்தனைதான், உண்மையான இறை குறித்து சிந்திக்க தூண்டியது. படைப்புத் தத்துவம் பெரும் கட்டுக்கதை என்பது, இந்த அணுவியல் உலகில் தெளிவாகிவிட்டது. 

சிந்தனையில் உயர்ந்த ஞானிகளும், மகான்களும், சித்தர்களும், உணர்ந்து அறிந்ததை சொல்ல முயன்றாலும் தெளிவான உதாரணம் சொல்லி, எளியமனிதர்களுக்கு புரியவைக்க இயலவில்லை. எனவே இரண்டற்ற நிலை (அத்வைதம்) என்று குறிப்பாக சொன்னார்கள். ஆதி சங்கரர் இத்தத்துவத்தை இந்தியா முழுதும் பரப்பினார். ஆனாலும் குறுபுத்தியுடையோர் சிலர், இந்த உண்மையை தங்களுக்கு சாதகமானதாக மாற்றி, இரண்டுதான் (துவைதம்) என்றும், மூன்று நிலைகள் (விசிஷ்டாத்வைதம்) என்று மக்களிடம் சொல்லி, பக்தி வழியாக இறைவனையும், வழிபாடுகள் வழியாக தங்களையும் நிலைப்படுத்திக் கொண்டார்கள். ஆனாலும் இதை நாம் குறை, குற்றம் சொல்லிக் கொண்டிருப்பதில் பலனில்லை. 

இன்றும் கூட, உண்மைகளை மறைத்து, அவர்களின் பணம், பொன், பொருள் இவற்றை பறித்துக் கொள்கின்றனர். மக்களும் அதை மறந்தும் விடுகிறார்கள். மக்களைப் பொறுத்தவரை, பக்தி சுலபமாக இருப்பதாக கருதுகிறார்கள். ஆனால் இரண்டற்ற நிலை என்பதுதான் இறை உணர்ந்துகொள்ளும் மகத்தான வழி, அந்த வழியே யோகம் என்று இந்தக்கவிதை யோகம் குறித்த விழிப்புணர்வை தருகிறது.

வாழ்க வளமுடன். 

-----

Present by: