Enjoy yourself!

 இன்பம் அனுபவிப்பீர்!

உலகில் எண்ணற்ற இன்பங்கள்

சுகிக்க ஆர்வமேஎழும் வாழ்நாளில்

இயல்பே பிறந்துவாழும் எவ்வுயிருக்கும்.

மனிதருக்கு கூடுதலாய் அறிவுண்டு

இயற்கை சூழல்மாற்றி சுகம்பெறலாம்.

ஆனால் பிறிதுயிர்க்கு கேடுஎழாவண்ணம்!

மீறிடஅது துன்பமே உருவாக்கித்தரும்.

உடல்மன உயிருமே தினம்துன்பப்படும்.

உலகின் தன்மையும் மாறிடவழிதரும்!

அளவுமுறை செயல்விளைவு அறிந்திடுவீர்!

விளக்கம்:

இந்த உலகில், எங்கும் இன்பமே நிறைந்திருக்க காணலாம். அத்தகைய இன்பங்களை எல்லாம் அனுபவிக்க வேண்டும் என்ற ஆவல் எழுவது இயற்கையே. மனிதர்கள் மட்டுமின்றி, தாவரம் முதற்கொண்டு எல்லா உயிரினங்களுமே, தனக்கு ஏற்ற, தகுந்த, சூழல் என்பதை நினைவில் கொண்டு வாழ்கின்றன. ஆனால் மனிதன், தன் ஆறாவது அறிவால், இயற்கைச் சூழலைக்கூட தனக்கேற்றவாறு மாற்றி அமைத்துகொள்ளும் தன்மை பெற்றவனாக இருக்கிறான்.

அதில் ஒருவகையில் தவறேதும் இல்லை. ஆனால், அவன் தோற்றுவித்த சூழல், உலகில் வாழும் பிற உயிர்களுக்கு கேடாக, பாதிப்பு ஏற்படுத்தாத வகையில் அமைந்திருக்க வேண்டியது அவசியம். இல்லையேல், அந்த மனிதனின் தன்நலம் சார்ந்த இன்பமே, துன்பத்தை தேடித்தரும். அவனின் உடல், மனம், உயிரும் துன்பப்படும். அவனின் வாரீசுகளும் துன்பம் பெறும்.

அதோடுமட்டுமல்லாமல், பிற உயிர்களின் துன்ப அலைகளால், இந்த உலகமே பாதிப்படையும். அது இயற்கை சீரழிவாக மாற வழிவகுக்கும். இதனால், மனிதன் தன் நலம் சாராது, செய்யக்கூடிய செயல்களில் அளவு, முறை அறிந்து, விளையும் நோக்கி செயல்பட நன்மை உருவாகும் என்று இந்தக்கவிதை உண்மை விளக்கம் அளிக்கிறது.

வாழ்க வளமுடன். 

-----

Present by: