High qualified man!

 உயர்ந்த மனிதன்! 

திருத்தி அமைக்கும் வழியிலே

திருத்திட்ட உயிரினமே மனிதன்.

திசைமாறி வாழ்ந்திட விரும்பி

தினமொர் சிக்கலில் சிக்கினான்.

திருந்த வழிசொன்ன ஞானியர்

திருமொழி கேட்கத் தவறினான்.

தினமுமே மனமொடுங்கி தியானிக்க

திருத்தம் நிறையும் நம்வாழ்விலே!

விளக்கம்:

உலகில் பிறந்த மனிதனுக்கு, எந்த பிற உயிரினத்திற்கும் இல்லாத ஒரு சிறப்பு உண்டு. அது என்ன? தான் செய்த தவறுகள் எதுவானாலும், திருத்தி அமைத்துக் கொள்ள ஒரு வாய்ப்பு உண்டு. அது தன்வாழ்நாளிலே அல்லது தன் வாரீசுகளின் வாழ்நாளிலே நிகழ்த்தலாம். அத்தகைய வாய்ப்பை இந்த இயற்கை வழங்கியிருக்கிறது. ஆனால் மனிதன் அதை பயன்படுத்திக் கொள்கிறானா?

இல்லை, மேலும் மேலுமாக, தனக்கு கீழான உயிரினங்களின் பண்பைத்தான் செயல்படுத்திகிறான். கொலை செய்தல், வாழ்க்கை சுதந்திரம் அழித்தல், உணவாக கொள்ளுதல் அல்லது பிறர் வளம் பறித்தல் என்பதை இன்றும் செய்துகொண்டுதான் இருக்கிறான். அதனாலேயே பலவிதமான வாழ்க்கை சிக்கல்களில் சிக்கி தன் வாழ்வின் இனிமையை கெடுத்துக் கொள்கிறான். 

இப்படி வாழ்ந்து, மனிதனான உன் இயல்பை மாற்றிட இடம் கொடுக்காதே என்று ஞானியர்கள் சொல்வதையும் ஏற்றுக் கொள்வதில்லை. உண்மையில் மனிதன் திருந்தி, எல்லா இன்பங்களும் பெற்று இனிதே வாழ, யோகமும், அகத்தவமும் ஏற்றுக்கொண்டால் மட்டுமே உதவியாக இருக்கும் என்று இந்தக்கவிதை உண்மை விளக்கம் அளிக்கிறது. 

வாழ்க வளமுடன்.

-----

Present by: