Life Death Game for Everyone

வாழ்க்கை இறப்பு விளையாட்டு! 

கைபேசி கணிணி விளையாட்டு நிலையில்

இருக்கும் ஐந்து நிலையில் எங்குதோற்றாலும்

மீண்டும் முதலில் இருந்தே தொடங்குவாய்!

ஐந்தும் வெற்றி கொண்டால் இருப்பதென்ன?

அமைதி அதுவே ஆறாம் நிலையெனலாம்!

உனக்குள் இருக்கும் பொறி ஐந்தினின்பமும்

அதுபோல தினமும்அதில் தோற்றுவிழுகிறாய்!

என்று உணர்வாய்? ஆறாம்நிலை அமைதியினை!

விளக்கம்:

இந்த உலகில் தொழில்நுட்ப அறிவியல் வளர்ச்சியில், மிகப்பெரும் கண்டுபிடிப்பு கணிணி, கைபேசி ஆகும். ஓவ்வொரு நான்கு மாதத்தையும் ஒரு ஆண்டாக கணக்கிட்டு, அதன் வளர்ச்சி மிகப் பிரமாண்டமாக நிற்கிறது. கணிணி, கைபேசி அறிவு மேலும் மேலும் வளர்கிறது. அதே அளவில் மனிதருக்கு துணையாகவும் இருக்கிறது, பிரச்சனையாகவும் மாற்றிக்கொள்கிறார்கள். வீடியோ கேம் என்ற கைபேசி விளையாட்டில் சிக்காத இளம் பருவத்தினரே இல்லை எனலாம். ஒருவர் விளையாட்டை, காட்சியாக காட்டி அதன்மூலமாகக் கூட சம்பாதிக்கும் காலமாக மாறிவிட்டது. ஆர்வம், வெறி, அடிமைத்தனம் என்ற நிலைக்கு இளைஞர்களை கவர்ந்துவிட்டது இந்த கைபேசி விளையாட்டுக்கள். பெரியவர்களும் விதிவிலக்கு அல்ல.

உதாரணமாக இந்த கவிதையில், ஐந்து நிலை (GAME LEVEL) சொல்லப்படுகிறது. ஒவ்வொரு நிலையும் மிக கடினமான வாய்ப்புக்களை (TASK) கொண்டிருக்கிறது. எந்த நிலையில் தவறு செய்தாலும், மீண்டும் முதல் நிலையில் இருந்தே விளையாடும்படி தோற்றுப்போவோம். இதில் நீங்கள் கலந்து கொண்டால் என்ன நடக்கும்? பழகும் வரையும், திறமையை காட்டும் வரையும் தோற்று தோற்று விளையாடுவீர்கள். எல்லா நிலையிலும் வெற்றி பெற்றால் இருப்பது என்ன? வெற்றி, ஆம், வெற்றிக் கொண்டாட்டமும் பிறகு அமைதியும், இனி அந்த ஐந்து நிலை பற்றி கவலையும் இல்லை, தோற்றுவிடுவோம் என்ற பதட்டமும் பயமும் இல்லை.

இப்படித்தான், மனிதர்களாகிய நாம், உடல், கண், காது, மூக்கு, வாய் ஆகிய ஐந்து புலன்களால், இன்பங்களை அனுபவித்துக் கொண்டே இருக்கிறோம். என்றைக்கும் அதில் வெற்றி காண முடியாமல் தோற்றுக் கொண்டே இருக்கிறோம்.  தினந்தினம் இதே கதைதான் நடக்கிறது. அதிலிருந்து ஆறாவது அறிவாக என்ன இருக்கிறது? அந்த நிலை என்ன? அங்கே வெற்றியும், அமைதியும் இருக்கிறதா? என்று சிந்திக்காமல், ஐந்து நிலைக்குள் தோற்றுக்கொண்டே இருக்கிறோமே?! எந்த சிந்தனையை இந்தக்கவிதை நமக்கு விளக்குகிறது.

வாழ்க வளமுடன். 

-----

Present by: