Sankalpa today!

 இதுவே இன்று சங்கல்பம்!

மனிதர் சிறந்து வாழ்ந்திடவே

நோய் தொற்று அகன்றிடட்டும்

கடன் வறுமை தீர்ந்திடட்டும்

விற்பனை தொழில் சிறந்திடட்டும்

மாணவ செல்வம் உயர்ந்திடவே

படிப்பும் தேர்வும் உதவட்டும்

அன்பும் பண்பும் நட்பும்கொண்டு

ஒருவருக் கொருவர் ஆதரவோடு

எல்லையோ பேதமோ ஏதுமின்றி

மனதை இதமாக்கி பழகட்டும்

பருவம் வந்த அனைவருக்கும்

பிரம்ம ஞானம் கிடைக்கட்டும்

உண்மை தெய்வம் அதைஅறிந்தே

உலக சமாதானம் பெற்றிடட்டும்!

விளக்கம்:

சங்கல்பம் என்பதை கேட்டுப் பெறுவதாக சொல்லுவார்கள். ஆனால் விரும்புகிறேன் என்று பொருள் கொள்வதுதான் சிறப்பு. ஏனென்றால் நம் தேவையெல்லாம் ஏற்கனவே நிரப்பப்பட்டிருக்கிறது, எனவே இறையிடம் கேட்டுபெற தேவையில்லை என்பதுதான், வேதாத்திரி மகரிசி அவர்களின் கருத்து. ஆனாலும், நம் தவறுகளால், வாழ்க்கையில் பல சிக்கல்களில் சிக்கிக்கொண்டோம். வருந்துகிறோம். அந்த வருத்தம் நீக்க உதவி கிடைத்தால் நல்லதுதானே?!

மனித வாழ்வில் பலவித நோய்கள் வரும்வதும் போவதும் இயல்பு, ஆனால் கரோனா நோய்தொற்று, உலகையே மாற்றி அமைத்துவிட்டது. எத்தனையோ மருந்துகளினாலும், முழுமையாக தீர்க்க இயலவில்லை. மேலும் தன்னை அக்கிருமி தன்னை தகவமைத்துக்கொண்டு பரவிக்கொண்டே உள்ளது. அந்த நோய்தொற்று அகன்று மக்கள் நிம்மதியாக வாழவேண்டும்.

உலக மக்களின் கடன், வறுமை தீரவேண்டும், அவர்களின் வாழ்வாதரம் சிறக்க தொழில், வியாபாரம் சிறக்க வேண்டும். மாணவச்செல்வங்களின் படிப்பும், தேர்வும் குழப்பமின்றி உதவிடவேண்டும். மக்கள் அனைவரும், அன்பு, பண்பு, நட்பு கொண்டு, ஜாதி, மத, இன, மொழி, நாடு, எல்லை பேதமின்றி, வேற்றுமைகள் களைந்து ஆதரவோடு இருக்கவேண்டும். மன இதன் மனிதன் என்பதை நிரூபிக்கவேண்டும்.

பருவ வயதிலிருந்தே யோகம் பயில வாய்ப்பு கிடைக்க வேண்டும், அதன் வழியாக “பிரம்மஞானம்” பெற்று, எது உண்மை தெய்வம் என்ற கேள்விக்கு விடை அறியவேண்டும். அந்த இறை உணர்ந்த தெளிவிலே உலக சமாதானம் பெறவேண்டும்.

இத்தகைய விருப்பங்களை கொண்ட சங்கல்பத்தை இக்கவிதை நமக்கு விளக்குகிறது.  வாழ்க வளமுடன். 

-----

Present by: